जेव्हा ओल्या हळदीने नवरी रक्तदान करायला येते

साई वेताळ स्पोर्ट्स ग्रुप कळंबुसरे, आयोजित रक्तदान शिबिरात 55 रक्तदात्यांसोबत हळद लागलेल्या नवरीने ही केले रक्तदान

सिटी बेल । उरण । अजित पाटील ।

कोविडच्या कठीण परिस्थितीमध्ये शासनाच्या आवाहणास प्रतिसाद देत समर्पण ब्लड बँक, घाटकोपर यांच्या सहाय्याने सलग दुसऱ्या वर्षी रामनवमीचे औचित्य साधून साई मंदिराच्या प्रांगणात रक्तदान शिबीर आयोजित केले होते, शिबिराचे विशेष आकर्षण म्हणजे साई वेताळ ग्रुप ची सदस्य आरती पाटील हिने आज स्वतःच्या लग्नाच्या हळदीच्या दिवशी रक्तदान करून समाजाला एक वेगळा संदेश दिला.

या रक्तदान शिबिरात एक उत्कृष्ट डान्स कोरिओग्राफर तथा सिनेकलाकार पपन पाटील, स्टेप आर्ट चे अध्यक्ष पप्पू सूर्यराव आणि 29 वेला रक्तदान करणारे रुपेश म्हात्रे व सामाजिक कार्यकर्ते गोरख ठाकूर यांच्या सहित 55 रक्तदात्यांनी रक्तदान केले यामध्ये तब्बल 14 महिलांनीही रक्तदानाचा हक्क बजावला.
रक्तदान शिबिरासाठी स्वतःच्या बहिणीची हळद असतानासुद्धा अध्यक्ष नंदकुमार पाटील, नरेश पाटील,स्वप्निल पाटील, डॉ.शैलेश पाटील, हर्षद पाटील, रणजित पाटील, अभि पाटील, शुभम पाटील, सुयोग पाटील, यतीश भेंडे, प्रतिक म्हात्रे, क्षितिज म्हात्रे, ऋतिक म्हात्रे, जितेंद्र भेंडे, विलास भेंडे, रमेश म्हात्रे, प्रभुश्वर म्हात्रे या बंधूंनी खूप मेहनत घेतली.

रक्तदान शिबिरास गोवठणे विकास मंच चे अध्यक्ष श्री. सुनिल वर्तक यांचे मोलाचे सहकार्य लाभले.

शिबिरादरम्यान उपसरपंच मा. सुनील पाटील, उद्योगपती कुलदीप नाईक, ऍड.निनाद नाईक, ग्रा. सदस्य महेश राऊत, पत्रकार अजित पाटील, सुभाष कडू आणि महेश भोईर यांनीही भेट देऊन रक्तदात्यांचं आणि आयोजकांचे कौतुक केले.