राजकीय धुळवड : प्रमुख पदाधिकाऱ्यांचा राष्ट्रवादी काँग्रेस मध्ये प्रवेश

उरणमध्ये राष्ट्रवादीला मिळाले बळ

सिटी बेल लाइव्ह । उरण । विठ्ठल ममताबादे ।

रायगड चे खासदार सुनिल तटकरे यांच्या प्रमुख उपस्थितीत शिवसेना उरण तालुका ग्राहक संपर्क प्रमुख दिपक माळी, शेकाप युवा नेते व चाणजे ग्रामपंचायत सदस्य कैलास मोरेश्वर भोईर व नवघर टाऊनशीप च्या हेमांगी पाटील व कार्यकर्त्यांनी रोहा सुतारवाडी येथे महिला प्रदेश सरचिटणीस भावनाताई घाणेकर यांच्या नेतृत्वाखाली राष्ट्रवादी काँग्रेस मध्ये प्रवेश केला.

यावेळी प्रदेश सरचिटणीस प्रशांत पाटील, शहर अध्यक्ष गणेश नलावडे उपस्थित होते. ख-या अर्थाने राजकीय धुळवड सुरू झाली आहे. उरण मध्ये राष्ट्रवादी काँग्रेस पक्षाची ताकद वाढत आहे. लवकरच यांच्यावर पदाची जबाबदारी देण्यात येणार आहे असे प्रदेश सरचिटणीस प्रशांत पाटील यांनी सांगितले.