जिल्हा नियोजन समितीत काशीनाथ पाटील यांची एंट्री

पनवेल तालुक्यात शेकापला येणार अच्छे दिन ! काशीनाथ पाटील जिल्हा नियोजन समितीत गेल्याने कार्यकत्यांमध्ये उत्साह

पहा यानिमित्ताने काशीनाथ पाटील यांच्याशी सिटी बेल लाइव्ह ने केलेली बातचीत 👇

सिटी बेल । पनवेल ।

गेली अनेक वर्षे काशिनाथ पाटील हे पनवेल पंचायत समितीचा कारभार पाहत आहेत. पदावर कोणी असो परंतु काशिनाथ पाटील यांच्या शिवाय पंचायत समितीत पान देखील हालत नाही हे सर्वश्रुत आहे.

शेतकरी कामगार पक्षाची नाळ ग्रामीण भागात घट्ट रोवून धरण्यात काशिनाथ पाटील यांचा सिंहाचा वाटा आहे. ग्रामीण भाग विशेषतः आदिवासी वाड्या हा त्यांच्या कामाचा केंद्रबिंदू आहे. वाढत्या शहरीकरणामुळे शेतकरी कामगार पक्षाची शहरी भागात पीछेहाट झाली असली तरी ग्रामीण भागात मात्र शेकाप त्याच मजबुतीने उभा आहे. याचा प्रत्यय नुकत्याच झालेल्या ग्रामपंचायत निवडणुकीमध्ये सर्वांनाच आला आहे, आणि या यशामध्ये काशिनाथ पाटील यांनी पंचायत समिती माध्यमातून केलेल्या कामाचा मोलाचा सहभाग आहे.

विकास कामांचे नियोजन करणे हा काशिनाथ पाटील यांचा हातखंडा आहे. आता जिल्हा नियोजन समितीमध्ये त्यांची वर्णी लागल्याने नक्कीच याचा मोठा फायदा पनवेल तालुक्यातील शेतकरी कामगार पक्षाला होणार आहे. मुख्य म्हणजे रायगड जिल्ह्यात महा विकास आघाडीच्या माध्यमातून संपूर्ण जिल्ह्यातून शेतकरी कामगार पक्षाला या नियोजन समितीत एक जागा मिळाली आणि ती काशिनाथ पाटील यांना देण्यात आली. यावरूनच शेतकरी कामगार पक्षातील काशिनाथ पाटील यांचे महत्व अधोरेखित होत आहे.