मोहोपाडा येथे जिल्हास्तरीय व्हाॅलीबाॅल स्पर्धेचे आयोजन

सिटी बेल लाइव्ह । रसायनी । राकेश खराडे ।

मोहोपाडा येथील जनता विद्यालय शाळेच्या मैदानावर दोन दिवसीय जिल्हास्तरीय व्हाॅलीबाॅल स्पर्धेचे आयोजन करण्यात आले आहे.या स्पर्धेचे उदघाटन आज माजी सरपंच संदिप सुदाम मुंढे यांच्याहस्ते करण्यात आले.

मोहोपाडा येथे दोन दिवस पार पडणा-या व्हाॅलीबाॅल स्पर्धेत जिल्ह्यातील अठरा संघांचा सहभाग असून कोरोना पाश्र्वभूमीवर खबरदारी घेण्यात आली आहे.या व्हाॅलीबाॅल स्पर्धेत खेळणारे उत्कृष्ट खेळाडू पुढे राज्यस्तरावर चमकतील असे माजी सरपंच संदिप मुंढे यांनी बोलताना सांगितले.

यावेळी कोरोना पाश्र्वभूमीवर खबरदारी घेण्याचे आवाहनही त्यांनी केले.यावेली मुख्याध्यापक सुपेकर,ग्रामपंचायत सदस्य संतोष मैंदर्गींकर,पवार शिक्षक, भारत गॅस सिलेंडरचे शिवदास जगताप,जितेश किर्दंगुडे आदी उपस्थित होते.