प्रकाश गायकवाड यांना कर्मवीर दादासाहेब गायकवाड जीवन गौरव पुरस्कार जाहीर

सिटी बेल लाइव्ह । रसायनी । राकेश खराडे ।

युथ फोरम सोशियल असोसिएशन यांच्यावतीने रसायनीतील रिस येथील प्रकाश गायकवाड यांच्या सामाजिक कार्याची दखल घेऊन त्यांना ‌कर्मविर दादासाहेब गायकवाड जीवन गौरव पुरस्कार जाहीर करण्यात आला आहे.

सन २०१७ पासून सामाजिक , शैक्षणिक , सांस्कृतिक , कला , क्रिडा , पत्रकारीता , उद्योजक , राजकिय व प्रशासकिय क्षेत्रात उल्लेखनिय कार्य करणाऱ्या महत्वपूर्ण व्यक्तिंचा गौरव होत असतो . आपले समाजाप्रती असलेले प्रेम , जिव्हाळा व त्यासाठी लागणारी त्यागमय भावना लक्षात घेवून आम्ही आपणास या वर्षीचा युथ फोरम सन्मान २०२१ अर्थात ” कर्मविर दादासाहेब गायकवाड जीवन गौरव पुरस्काराने सन्मानित करण्यात येणार आहे. सन्मान चिन्ह , शाल व पुष्पगुच्छ असे या पुरस्काराचे स्वरूप असून सदर पुरस्कार रविवार दि . ७ मार्च २०२१ रोजी सायंकाळी ठिक ५.०० वाजता मान्यवरांच्या उपस्थितीत प्रदान करण्यात येईल असे नियुक्तीपत्रात म्हटलं आहे.प्रकाश गायकवाड यांनी केलेल्या सामाजिक कार्याबद्दल त्यांना याअगोदरही विविध पुरस्कार मिळाले आहेत.