सुतारवाडी येथील दत्त जयंती साधेपणाने साजरी होणार

सिटी बेल लाइव्ह । गोवे-कोलाड । विश्वास निकम ।

या वर्षी कोरोनाच्या महामारीमुळे सुतारवाडी येथील दत्त जयंती निमित्त होणारे अनेक धार्मिक कार्यक्रम रद्द करण्यात आले असून फक्त मोजक्याच व्यक्तीं समवेत दत्तजन्म आणि पालखी सोहळा अगदी साधेपणाने साजरा होणार आहे.

दरवर्षी अनेक धार्मिक कार्यक्रम,विविध सांस्कृतिक कार्यक्रमाची मोठी रेलचेल असते. दशक्रोशितील असंख्य ग्रामस्थ दर्शनाचा आणि तीर्थप्रसादाचा लाभ घेत असतात. गावातून मोठ्या प्रमाणावर पालखी सोहळ्याचे आयोजन केले जाते. या वर्षी मात्र कोरोनाच्या महामारीमुळे अनेक कार्यक्रम रद्द केले असून दत्तजयंती अगदी साधेपणाने साजरी केली जाणार आहे.असे आयोजकांकडून सांगण्यात आले आहे.