उरण शहरात बर्निंग कारचा थरार.. पहा हा व्हिडिओ

सिटी बेल लाइव्ह । उरण । घन:श्याम कडू । 🔶🔷🔶

उरण शहरातील कोटनाका येथील गजबजलेल्या रस्त्यावरील तिसाई शोरूमजवळ एका गाडीला आज संध्याकाळी आग लागली. प्रसंगावधन राखत स्थानिकांनी वेळीच खबरदारी घेतल्याने मोठा अनर्थ टळला आहे. गाडी जळाली असून कोणतीही जीवितहानी झाली नाही.

उरण शहरातील कोटनाका येथील तिसाई शोरूमच्या समोर आज सायंकाळी ७ च्या सुमारास एका गाडीतून धूर निघत असल्याचे लक्षात येताच प्रसंगावधन राखत चालक बाहेर पडताच गाडीने पेट घेतला. स्थानिकांनी त्वरित आग विझविण्यासाठी प्रयत्न सुरू करीत अग्निशमन दलाला पाचारण केले. घटनास्थळी अग्निशमन दलाने येऊन आग आटोक्यात आणली.

शहरातील भरवस्तीत गाडीला आग लागण्याची घटना घडली. मात्र वेळीच ही आग आटोक्यात आल्याने मोठा अनर्थ टळला आहे. आगीत कोणतीही जीवितहानी झाली नाही. आगीचे निश्चित कारण समजले नाही.