पालकमंत्री आदिती तटकरेंच्या हस्ते खांब आरोग्य उपकेंद्राचे उद्घाटन

सिटी बेल लाइव्ह । खांब-रोहे । नंदकुमार मरवडे । 🔶🔷🔶

रोहे तालुक्यातील खांब येथे रा.जि.प.यांच्या वतीने आरोग्य उपकेंद्राचे उद्घाटन रा.जि.पालकमंत्री ना.आदिती तटकरे यांच्या हस्ते ता.३ रोजी उत्साहात संपन्न करण्यात आले.

यावेळी पं.समिती सभापती गुलाब वाघमारे,राष्ट्रवादी काँग्रेसचे जेष्ठ नेते मधूकर पाटील,जि.प.सदस्य दयाराम पवार, जेष्ठ नेते नारायण धनवी,रामचंद्र चितळकर,प्रकाश थिटे,बाबूराव बामणे,वसंत मरवडे, तानाजी जाधव,राम कापसे,पं.स.मा.सभापती विना चितळकर, सदस्या सिद्धी राजिवले,रा.काँग्रेसचे मा.युवक अध्यक्ष महेंद्र पोटफोडे,किरण मोरे,मनोज चितळकर, नरेंद्र पवार, जनार्दन महाबळे,प्रदीप चोरगे,संतोष टवळे,सरपंच सुरेखा वाघमारे,मुख्य कार्यकारी अधिकारी डॉ. किरण पाटील, तहसिलदार कविता जाधव,जि.आरोग्य अधिकारी डॉ. सुधाकर मोरे,गट विकास अधिकारी जयेंद्र जाधव,डॉ. अभय ससाणे,के.वाय.बारदेशकर आदी मान्यवर यावेळी उपस्थित होते.

यावेळी आपले मनोगत व्यक्त करताना पालकमंत्री आदिती तटकरे यांनी सध्या वाढत चाललेल्या कोरोना महामारीचे पार्श्वभूमीवर प्रत्येकाने आपापल्या आरोग्याची काळजी घेतली पाहिजे. तर जनतेला आरोग्य केंद्राचा जास्तीत जास्त फायदा व्हावा यासाठी ज्या आरोग्य केंद्रांची कामे पुर्ण झाली आहेत. तेथील आरोग्य केद्रांचे उद्घाटन करून सुरू करण्याची शासनाची जबाबदारी असल्याने याचा अधिक लाभ कसा होईल हाच यामागचा उद्देश आहे. तर खांब येथील बांधण्यात आलेली इमारत अतिशय सुंदर व सर्व सोयींनी परिपुर्ण अशी इमारत असून हे आरोग्य केंद्र महामार्गालगत असल्याने याचा लाभ अधिक चांगल्या पद्धतीने होईल.

महिलांच्या आरोग्याच्या द्रुष्टीने पाहिले तर येथे महिलांसाठी स्वतंत्र व्यवस्था करण्यात आली आहे. हे या केंद्राचे ठळक वैशिष्ट्ये म्हणावे लागेल.तर जिल्ह्यातील प्रलंबित आरोग्य केंद्रांचीही कामे लवकरच मार्गी लावण्याचे आदेश अधिकारी वर्गाला देण्यात आले आहेत. जेणेकरून ग्रामीण जनतेला याचा अधिक लाभ घेता येईल असे शेवटी त्यांनी सांगितले.

या कार्यक्रमाचे प्रास्ताविक मा.सरपंच मनोज शिर्के यांनी केले तर विनोद पाटील यांनी सूत्रसंचलन केले.