जनावरांना कत्तलीसाठी घेऊन जाणा-या गाडीला पेण पोलिसांनी पकडले

सिटी बेल लाइव्ह / पेण (राजेश कांबळे) 🔷🔶🔷🔶

काल मध्यरात्रीच्या सुमारास कत्तलखान्यात जनावरांना घेऊन MH 12 NB- 3336 स्विफ्ट गाडी खालापूर वरून पेण बाजूकडे जात असल्याची खबर पेण पोलिसांना मिळताच पोलिसांनी पेण खोपोली रोडवरील मौजे गणपती वाडीच्या हद्दीत नाकाबंदी केली असता रात्री 2.45 च्या दरम्यान सदर गाडी रोडचा अंदाज न घेता जोरदार चालवित नाकाबंदी साठी असलेले हवालदार बी.के.वाढवे यांच्या अंगावर घालून त्यांना मारण्याचा प्रयत्न केला.

या दरम्यान हवालदार वाढवे गंभीर जखमी झाले असून त्यांना रुग्णालयात दाखल करण्यात आले आहे. सदर स्विप्ट गाडीतील दोन जण पळून गेले असून गाडीसह एक जनावर पेण पोलिसांनी ताब्यात घेतले आहे.

याबाबत पेण पोलिस ठाण्यात गुन्हा र.नं.125 नुसार त्यांच्यावर कलम 307,333 प्रमाणे 11(क) (घ) सार्वजनिक मालमत्ता, प्राणी संरक्षण अधिनियम आदिंसह अन्य गुन्हे दाखल करण्यात आले आहेत याप्रकरणी अधिक तपास पोलिस उपअधीक्षक नितीन जाधव यांच्या आदेशानुसार व पेण पोलिस निरीक्षक बाळकृष्ण जाधव यांच्या मार्गदर्शनाखाली पोलिस करीत आहेत.