सिटी बेल लाइव्ह / पनवेल/प्रतिनिधी ###
कोवीड 19 च्या पार्श्वभूमीवर लॉकडाऊन सुरु असल्यामुळे रिक्षा व्यवसाय पूर्णपणे बंद आहे. अबोली महिला रिक्षा चालक रिक्षा व्यवसाय करुन आपला उदरनिर्वाह करत असतात. मात्र सध्या व्यवसाय बंद असल्याने त्यांच्यावर आर्थिक संकट कोसळले आहे. या संकटात आजपर्यंत अबोली महिला रिक्षा चालकांना अनेकांनी मदतीचा हात दिला आहे. मात्र लॉक डाऊन सतत वाढत चालला असल्याने त्यांना घरखर्च कसा भागवायचा हा प्रश्न पडलेला आहे. संस्थेचे संस्थापक अध्यक्ष संतोष भगत हे नेहमीच या महिलांना मदत मिळवून देण्याच्या प्रयत्नात असतात. त्यांनी साई संस्थान वहाळचे संस्थापक रवीशेठ पाटील यांना मदत करण्याचे आवाहन करताच त्यांनी क्षणाचाही विलंब न लावता अबोली महिला रिक्षा चालकांना अन्नधान्याचे किट उपलब्ध करुन दिले.
सदर किटचे वाटप नवीन पनवेल येथील राजीव गांधी मैदानात करण्यात आले. यावेळी अबोली महिला रिक्षा चालक संघटनेचे संस्थापक अध्यक्ष संतोष भगत, उपाध्यक्षा शालिनी गुरव, खजिनदार ललिता राऊत व सर्व सदस्य उपस्थित होते.
यावेळी रवीशेठ पाटील यांनी केलेल्या मदतीबद्दल त्यांचे आभार मानण्यात आले.
Be First to Comment