कळंबोलीत बरसले स्वर अमृताचे

मा नगरसेवक बबन मुकादम आयोजीत दिवाळी पहाट कार्यक्रमाला रसीकांची तुडुंब गर्दी

इंडियन आयडॉल सागर म्हात्रे याने जिंकली उपस्थीतांची मने

सिटी बेल ∆ कळंबोली ∆

कळंबोली शहरात आज दिवाळी पहाटच्या कार्यक्रमाच्या निमित्ताने जणू सुरेल स्वरांची बरसात झाली. इंडियन आयडॉल सागर म्हात्रे यांच्या सुरेल आवाजात येथील रसिक प्रेक्षक मंत्रमुग्ध होऊन गेले.

माजी नगरसेवक बबन मुकादम आणि जिल्हा परिषदेच्या माजी सभापती प्रिया मुकादम यांनी कळंबोली येथे आयोजित केलेल्या दिवाळी पहाट या कार्यक्रमास येथील नागरिकांनी तुडुंब गर्दी केली होती. इंडियन आयडॉल विजेता सागर म्हात्रे यांचे गायन हे या कार्यक्रमाचे प्रमुख आकर्षण होते.

या दिवाळी पहाट कार्यक्रमाला आमदार प्रशांत ठाकूर, पनवेल महानगरपालिकेचे माजी गटनेते परेश ठाकूर, माजी नगरसेवक हरेश केणी, शशिकांत शेळके, अमर पाटील, रवीशेठ पाटील, रवी नाईक, सिटी बेल वृत्त समुहाचे समुह संपादक विवेक पाटील आदींसह अनेक मान्यवरांनी उपस्थिती दर्शवली होती.

कार्यक्रमातील सहभागी कलाकार ‌ ऑर्गन :- विशाल माळी
तबला :- हर्षद कलबाटे
ढोलकी :- प्रवीण कदम
ऑक्टोपॅड :- निलेश ठाकूर आणि निलेश देवधरे
गायक :- सागर म्हात्रे, मंगेश गांगुर्डे, समीर पाटील, वैभवी कदम
निवेदक :- हरीश मोकल