हिंद भारतीय जनरल कामगार सेनेच्या मागणीला यश

जय प्रेसिशन प्रॉडक्ट इंडिया कंपनीने कामगारांसाठी दिली रुग्णवाहिका

# सिटी बेल लाइव्ह / पनवेल #

जय प्रेसिशन प्रॉडक्ट इंडिया प्रायव्हेट लिमिटेड, मोहपाडा या कंपनीतील कामगारांसाठी कंपनीची युनियन हिंद भारतीय जनरल कामगार सेनेने कामगारांच्या आरोग्याचा विचार करून कंपनीच्या प्रशासनाकडे संघटनेचे अध्यक्ष, कामगार नेते श्रीपाद (आप्पा ) पराडकर यांनी रुग्ण वाहिकेची मागणी केली होती. आज दिनांक ०७/०७/२०२० रोजी कंपनी मध्ये सोशल डिस्टन्स चे भान राखून रुग्ण वाहिकेचे उदघाटन संघटनेचे सरचिटणीस घनःश्याम नाईक, (महाराष्ट्र राज्य ) यांच्या हस्ते करण्यात आले . या प्रसंगी सौ. अपूर्वा प्रभू (उपाध्यक्ष – महाराष्ट्र राज्य), केवल माळी (अध्यक्ष – रायगड जिल्हा), भारतीय कामगार सेना कार्यकारिणी सदस्य अभय प्रभू, कंपनीचे व्यवस्थापक सुनीलकुमार लाल व कामगार उपस्थित होते.