येत्या २१ फेब्रुवारी रोजी होणार सोहळा

वैजनाथ येथे विठ्ठल-रखुमाई मंदिराचा वर्धापनदिन सोहळ्याचे आयोजन

सिटी बेल • खांब-रोहा • नंदकुमार मरवडे •

रोहे तालुक्यातील खांब पंचक्रोशीतील वैजनाथ या गावी सोम.दि.२१ फेब्रुवारी रोजी विठ्ठल-रखुमाई मंदिराचा २६ व्या वर्धापनदिन सोहळ्याचे आयोजन करण्यात आले आहे.

संतश्रेष्ठ स्वा.सु.अलिबागकर बाबा,गोपाळ बाबा वाजे व धोंडू बाबा कोलाटकर यांच्या क्रुपाशिर्वादाने व ह.भ.प.दत्तू महाराज कोलाटकर (पंढरपूर) यांच्या मार्गदर्शनाखाली संपन्न होणाऱ्या या धार्मिक कार्यक्रम प्रसंगी स.६:३० वा.ह.भ.प.सहदेव घरट यांच्या हस्ते मूर्तींना अभिषेक, स.९ ते दु.१२ वा.ह.भ.प.दत्तू महाराज कोलाटकर व ह.भ.प.दत्तात्रेय वातेरे यांच्या नेतृत्वाखाली ग्रंथराज ज्ञानेश्वरीचे ९ व १२ व्या अध्यायांचे सामुदायिक पारायण,दु.१ वा.महाप्रसाद, सायं.४ वा.ह.भ.प.टोंगळे गुरुजी यांची प्रवचन सेवा,५ ते ६ वा.खांब पंचक्रोशी व ग्रामस्थ मंडळ वैजनाथ यांचे सामुदायिक हरिपाठ व तद्नंतर महाप्रसाद तर रात्रौ.९ वा.ह.भ.प.मारूती महाराज कोलाटकर यांची किर्तनसेवा व रात्रौ.जागर भजन आदी धार्मिक तथा अध्यात्मिक कार्यक्रम संपन्न होणार आहेत.

या सर्व सोहळ्याचे यशस्वीतेसाठी संतसेवा मंडळ खांब पंचक्रोशी यांच्या मार्गदर्शनाखाली ग्रामस्थ व महिला मंडळ वैजनाथ तसेच नवतरुण मित्र मंडळ वैजनाथ मोलाचे सहकार्य करित आहेत.