सफाई कामगारांचे पगार तब्बल ४३ हजार : कामगार नेते महेंद्रशेठ घरत यांच्या नेतृत्वाची कमाल
सिटी बेल | तळोजा | कामगार प्रतिनिधी |
तळोजा MIDC मधील मे. केलॉग्स इंडिया ली. या कंपनीतील सफाई व गार्डनिंग करणाऱ्या कामगारांना कामगार नेते महेंद्रशेठ घरत यांच्या न्यू मॅरीटाईम ॲन्ड जनरल कामगार संघटनेच्या माध्यमातून तीन वर्षासाठी ९,०००/- रुपयांची पगारवाढ देण्याचा करार आज संघटनेच्या पनवेल येथील कार्यालयात करण्यात आला. पगारवाढीमुळे सफाई कामगारांचा पगार तब्बल ४३,०००/- रुपये झाला आहे.
या करारनाम्यानुसार १३% बोनस २ लाख रुपयांची मेडीक्लेम पॉलीसी तसेच टर्म इनश्युरन्ससाठी ४,०००/- प्रत्येक वर्षी, २ रजेमध्ये वाढ करण्यात आली आहे. पिकनिकसाठी दरवर्षी ४०,०००/- रुपये, महिन्यातून २ वेळा हाफडे जाण्याची मुभा देण्याचे मान्य करण्यात आले आहे.कोरोना काळातही तब्बल ९,०००/- रुपये पगारवाढ झाल्यामुळे कामगारांमध्ये आनंदाचे वातावरण आहे. कामगारांनी संघटनेचे अध्यक्ष व पदाधिकाऱ्यांचे आभार मानले.
या करारनाम्याप्रसंगी संघटनेचे अध्यक्ष तथा रायगड जिल्हा कॉंग्रेस कमिटीचे अध्यक्ष महेंद्रशेठ घरत, कार्याध्यक्ष पि. के. रामण, सरचिटणीस वैभव पाटील, व्यवस्थापनातर्फे शंकर सुब्रमनियन, प्रमोद वाडकर, एस. के. एंटरप्रायजेसचे डायरेक्टर सुरेश खानावकर, संकेत खानावकर, संघटक योगेश रसाळ, आदित्य घरत, विवेक म्हात्रे, केसरीनाथ नाईक, कामगारांतर्फे भगवान ढोंगरे, मारुती पाटील, प्रकाश फडके, मोहन फडके, दिलीप पोरजी आदी उपस्थित होते.
Be First to Comment