ऑनलाईन रोजगार मेळावा

श्रीया अकॅडमी, कोप्रोली तर्फे
बेरोजगारांसाठी नोकरीची सुवर्ण संधी

सिटी बेल लाइव्ह / उरण/ अजय शिवकर #

कोरोनाच्या प्रादुर्भावामुळे निर्माण झालेल्या बेरोजगारीमुळे रायगड जिल्ह्यातील बेरोजगार झालेल्या कुशल, अकुशल उमेदवारांना नोकरीची सुवर्ण संधी. स्थानिक उद्योजकांना कमी पडत असलेले कुशल, अकुशल मनुष्यबळ उमेदवाराच्या शैक्षणिक, तांत्रिक व जेष्ठते प्रमाणे उद्योजकांकडे कौशल्य विकास व उद्योजकता विभाग अलिबाग, रायगड या विभागा मार्फत पाठविला जातो. सद्यस्थितीत रोजगार मेळावा घेणे शक्य नसल्यामुळे या विभागामार्फत ऑनलाईन रोजगार मेळावा आयोजित करून विविध उद्योजकांना कुशल, अकुशल मनुष्यबळ उपलब्ध करून दिले जाते . त्यामुळे स्थानिक बेरोजगार उमेदवारांना त्यांच्या शैक्षणिक व अनुभवाच्या पात्रतेप्रमाणे रोजगार उपलब्ध होण्यास मदत होईल. त्यासाठी उमेदवारांना प्रथम आपली व्यवसाय व नोकरी साठी नोंदणी करणे अनिवार्य आहे. यासाठी बेरोजगार उमेदवारांची नोंदणी श्रीया अकॅडमी कोप्रोली, उरण येथे केली जाईल.
उमेदवाराने पुढीलप्रमाणे सर्व ओरिजनल कागदपत्रे आणावीत

1. आधार कार्ड
2. इयत्ता 10 वी, 12 वी व ग्रॅज्युएशन किंवा त्यापुढील पात्र शैक्षणिक आहर्ता यांच्या मार्क लिस्ट, बोर्ड सर्टिफिकेट
3. आगोदर काम केलेले असल्यास अनुभवाचे प्रमाणपत्र
4. टेक्निकल अहर्ता म्हणजे टायपिंग, कॉम्पुटर आदी
5. कलर फोटो
6. फोन नंबर व ई-मेल आयडी (मेल आयडी नसेल तर बनवून दिला जाईल)

मग विचार कसला करताय आजच माहिती घ्या आणि आलेल्या सुवर्ण संधीचा फायदा घ्या. कृपया आपल्या मित्रांना माहिती शेअर करण्यास विसरू नका.

अधिक माहितीसाठी संपर्क

9892159495 / 9004763339