पायी दिंडी पदयात्रेची सांगता

नवघर येथे साई भंडारा उत्साहात साजरा

सिटी बेल | उरण | विठ्ठल ममताबादे |

ॐ श्री साई चरण सेवक पदयात्रा मंडळ नवघर या मंडळाच्या वतीने श्री शेत्र शिर्डी येथे सद्गुरू साईबाबांची पालखी वारकरी दिंडी पदयात्रा रविवार दिनांक 5/12/2021 रोजी श्री साई मंदिर नवघर येथून सकाळी दहा वाजता आरती करून श्री क्षेत्र शिर्डी येथे रविवार दिनांक 12/12/2021 रोजी पोहोचले व परत आपल्या मुक्कामी उरण तालुक्यात पोहोचले. मंडळाची स्थापना 2004 साली झाली. तेव्हापासून पदयात्रा नियमितपणे चालू आहे. सदर पायी दिंडी पदयात्रा ची सांगता दरवर्षी श्री सत्यनारायण महापूजा व साई भंडाऱ्याचे आयोजन करून केले जाते. यावर्षीही पायी दिंडी पदयात्रेची सांगता उरण तालुक्यातील नवघर येथे दिनांक 25/12/2021 रोजी सायंकाळी श्रीसत्यनारायण महापूजा व साई भंडाराने झाली.

सदर पाई पदयात्रा व साई भंडारा मोठ्या उत्साहात भक्तिमय वातावरणात संपन्न झाला. सदर साई पदयात्रा, श्री सत्यनारायण पूजा, साई भंडारा कार्यक्रम यशस्वी करण्यासाठी अध्यक्ष अविनाश म्हात्रे(नवघर ),कार्याध्यक्ष भारत पाटील(पागोटे),उपाध्यक्ष किशोर कोवळे(उरण), सेक्रेटरी सुशील भोईर(पागोटे ),खजिनदार परशुराम म्हात्रे (पनवेल),सल्लागार अनिल पाटील (पागोटे), ज्ञानेश्वर घरत (फुंडे ),कार्यकारी सभासद प्रदीप म्हात्रे( नवघर ),विजय पाटील(पाणजे ),सुहास मस्कर (बोरखार ),गंधार पाटील(नवघर ),ज्ञानेश्वर पाटील(पागोटे ), धीरज कोळी (गव्हाण ), रमेश पाटील (नवघर ), दिलीप ठाकूर(भेंडखळ ),राजाराम पाटील(पागोटे ),परेश भोईर (पागोटे )आदींनी विशेष मेहनत घेतली.