दोन शनिवारी अभ्यासवर्ग वर्षभर चालणार

पोलादपूर शहरातील राधाकृष्ण मंदिरात इस्कॉनतर्फे “भगवतगीताभ्यास“

सिटी बेल | पोलादपूर | शैलेश पालकर |

शहरातील गोकुळनगर येथील श्रीराधाकृष्ण मंदिरामध्ये शनिवार दि. 25 डिसेंबर 2021 रोजी सायंकाळी 6 ते साडेसात वाजण्याच्या सुमारास आंतरराष्ट्रीय कृष्णभावनामृत संघ इस्कॉनतर्फे श्रीमद भगवतगीता अभ्यासवर्ग दरमहिन्यांतील दोन शनिवारी असे वर्षभर दि. 24 डिसेंबर 2022 पर्यंत सुरू राहणार असल्याची माहिती आयोजकांकडून देण्यात आली.

यावेळी श्रीमद भगवतगीतेच्या श्लोकांतील व अध्यायांमधील ताळमेळ, भगवतगीतेच्या उपदेशांचे व्यावहारिक उपयोग, चारित्र्यविकासासाठी नितीमूल्यांची ओळख आदी वैशिष्ठयपूर्ण अभ्यासाठी बीई सिव्हील इंजिनियर निमाई चांद दास आणि कॉम्प्युटरसायन्स ग्रॅज्युएट नीलकृष्णदास यांच्याकडून मार्गदर्शन करण्यात येणार असल्याची माहिती सेवानिवृत्त सहायक पोलीस कमिशनर शंकरराव गोपाळराव महाडीक यांनी दिली.

पोलादपूर शहर व परिसरामधील राधाकृष्णभावित भाविकांनी आवर्जून याप्रसंगी उपस्थित राहण्याचे आवाहन यावेळी करण्यात आले आहे.