वांगणी येथे अखंड हरीनाम व ग्रंथराज ज्ञानेश्वरीचे पारायण

सिटी बेल | गोवे-कोलाड | विश्वास निकम |

रोहा तालुक्यातील वांगणी येथे त्री तपपूर्ती सोहळ्यानिमित्ताने अखंड हरीनाम व ग्रंथराज ज्ञानेश्वरीचे पारायण मार्गशीर्ष शुद्ध पंचमी बुधवार दि.८/१२/२०२१ ते मार्गशीर्ष शुद्ध अष्टमी शनिवार दि.११/१२/२०२१ पर्यंत श्री. मरीआई मंदिर येथे कार्यकमाचे आयोजन करण्यात येणार आहे.

परमपूज्य स्वानंद सुख निवासी गुरुवर्य अलिबाकर महाराज व परमपूज्य स्वानंद सुख निवासी गुरुवर्य धोंडू महाराज कोल्हाटकर व गोपाळ बाबा वाजे यांच्या कृपा आशिर्वादाने गुरुवर्य ह.भ.प.दत्ताराम महाराज कोल्हाटकर श्री.क्षेत्र पंढरपूर यांच्या मार्गदर्शनाने अखंड हरीनाम व ग्रंथराज ज्ञानेश्वरीचे पारायणाचे आयोजन करण्यात येणार आहे.

या निमित्ताने बुधवार दि.८/१२/२१ रोजी ह. भ.प.शेळके महाराज यांचे प्रवचन, ह.भ.प.दळवी महाराज (रायगड भुषण )यांचे किर्तन,गुरुवार दि.९/१२/२१ रोजी ह.भ.प. अनिल महाराज शिंदे यांचे प्रवचन,ह.भ.प. रामदास महाराज पाटील (रायगड भुषण ) यांचे किर्तन,शुक्रवार दि.१०/१२/२१ रोजी ह. भ. प. गजानन महाराज बलकावडे यांचे प्रवचन,ह.भ.प. किरण महाराज कुंभार (रायगड भुषण )यांचे किर्तन,शनिवार दि.११/१२/२१सकाळी ९ते ११ ह.भ.प.गुरुवर्य दत्ताराम महाराज कोल्हाटकर (मठाधिपती श्रीक्षेत्र पंढरपूर ) यांचे काल्याचे किर्तन सेवा आयोजित करण्यात येणार असून संध्याकाळी ५ ते ६ प्रवचन,सा.६ ते ७ हरिपाठ,रात्री ९.३० ते ११.३० किर्तन सेवा या वेळेत होणार असून या कार्यक्रमाला भाविकांनी उपस्थित रहावे अशी विनंती वांगणी ग्रामस्थ,महिला मंडळ, प्रभारी मंडळ ठाणे व मुंबई यांच्या कडून करण्यात येत आहे.