रिलायन्स विरोधात आंदोलन

प्रकल्पग्रस्तांचे रिलायन्स नागोठणे कंपनी विरोधात आंदोलन तोडगा न निघाल्याने चिघळले : आंदोलनकर्त्यांची पोलिसांकडून धरपकड

सिटी बेल | रायगड | धम्मशील सावंत |

वंचित बहुजन माथाडी ट्रान्सपोर्ट व जनरल कामगार युनियन चे संस्थापक अध्यक्ष ऍड प्रकाश तथा बाळासाहेब आंबेडकर व भीमराव आंबेडकर यांच्या नेतृत्वाखाली रिलायन्स नागोठणे स्थानिक भूमीपुत्र व प्रकल्पग्रस्तांनी पुन्हा एकदा एल्गार पुकारला. 

प्रमाणपत्र धारकांना कायमस्वरूपी नोकरीत सामावून घ्यावे यासह अन्य मागण्यांसाठी आंदोलन केले होते. रिलायन्स नागोठणे स्थानिक भूमिपुत्र व प्रकल्पग्रस्तांच्या एकजुटीने  कडसुरे येथे जनआंदोलन छेडण्यात आले. सोमवारी सायंकाळ पर्यंत तोडगा न निघाल्याने आंदोलन चिघळले, यावेळी पोलिसांकडून आंदोलन कर्त्यांची धरपकड करण्यात आली. या आंदोलनात शिहू चोळे नागोठणे विभागातील प्रकल्पग्रस्त, वंचित बहुजन आघाडीचे रायगड सह राज्यातील नेते, पदाधिकारी यांनी रिलायन्स विरोधात एल्गार पुकारला.