जुने झाड उन्मळून पडल्याने वाहनांचे नुकसान

सिटी बेल लाइव्ह / पनवेल (वार्ताहर)

पनवेल शहरातील लाईन आळी येथे जुने झाड पावसामुळे उन्मळून पडल्याने वीजेच्या तारा व वीजेचा पोल आडवा झाला. त्यातच दोन वाहनांचे नुकसान झाले. हि घटना सोमवारी दुपारी घडली आहे.
पनवेल शहरात सोमवारी दुपारी सव्वातीन वाजता पावसाबरोबरच जोरात वार आल्याने लाईन आळी येथे एक झाड उन्मळून पडले. यामुळे तीन विजेचे पोल आणि उपरी वीजवाहिन्या जमिनीवर आल्या. परिणामी वीज पुरवठा खंडित झाला. त्याचबरोबर एक कार आणि थ्री व्हीलर टेम्पो चे नुकसान झाले. पनवेल महापालिकेच्या अग्निशमन दलाच्या पथकाने घटनास्थळी धाव घेऊन रस्त्यावर पडलेले झाड बाजूला केले.