आई वडीलांच्या सेवेतच जीवन सफल होते : मारूतीमहाराज कोलटकर

सिटी बेल | खांब-रोहे | नंदकुमार मरवडे |

जन्मदात्या आई-वडीलांचे सेवेतच जीवन सफल होत असल्याचे उद्गार ह.भ.प.मारूती महाराज कोलटकर यांनी आपल्या हरिकिर्तनरुपी सेवेप्रसंगी भाविकांना मार्गदर्शन करताना काढले.

रोहे तालुक्यातील धानकान्हे या गावचे जेष्ठ नागरिक तथा नाथपंथी गोसावी समाजाचे जेष्ठ समाजसेवक ह.भ.प.काशिराम मालू गोसावी १९ सप्टे.रोजी ९० व्या वर्षी दु:खद निधन झाले.त्यांच्या अंतिम धार्मिकविधी धानकान्हे निवासस्थानी संपन्न करण्यात आले.

याप्रसंगी आयोजित करण्यात आलेल्या हरिकिर्तनरुपी सेवेप्रसंगी सुप्रसिद्ध किर्तन तथा समाजप्रबोधनकार ह.भ.प.मारुती महाराज कोलटकर (श्री क्षेत्र तळवली) उपस्थित भाविकांना उपदेश करताना बोलत होते.यावेळी पंचक्रोशीतील मोठ्या संख्येने भाविकभक्त तसेच नाथपंथी गोसावी समाजाचे समाजबांधव उपस्थित होते. यावेळी मारुती महाराज यांनी स्व.सामाजिक कार्यकर्ते काशिराम
गोसावी यांनी आपले गाव,समाज व वारकरी संप्रदाय यासाठी आयुष्यात फार मोठे योगदान दिले होते. आपल्या सामाजिक कार्याबद्दल स्व.गोसावी हे सर्वपरिचित असणारे व्यक्तिमत्त्व होते.तर त्यांचे कार्य हे अधोरेखित करण्यासारखे असल्याचा आवर्जून उल्लेख करतानाच प्रत्येकाने आपल्या आई-वडीलांच्या सेवेतच स्वतःला क्रुतार्थ मानून त्यांची सर्वतोपरी सेवा आपल्या हातून घडावी असे शेवटी सांगितले.