संस्कारभारतीच्या वतीने संगीत कार्यशाळेचे आयोजन

सिटी बेल लाइव्ह / श्रीनिवास काजरेकर /नवीन पनवेल #

संस्कारभारती या कलाक्षेत्रातील एका अग्रगण्य संस्थेच्या नवीन पनवेल शाखेच्या वतीने संगीत कार्यशाळा आणि संगीत कार्यक्रमाचे आयोजन केले. कोरोना व लॉकडाऊनच्या पार्श्वभूमीवर ऑनलाईन पद्धतीने ही संपूर्ण कार्यक्रम संपन्न झाला. गुरुपौर्णिमेच्या निमित्ताने
संस्थेच्या गायन विधाप्रमुख नृपाली जोशी यांच्या संकल्पनेतून साकारलेल्या या कार्यक्रमाला रसिकांचा उदंड प्रतिसाद लाभला.
आकाशवाणी मान्यताप्राप्त ज्येष्ठ शास्त्रीय गायिका अनिता कुलकर्णी, ज्येष्ठ गायक मिलिन्द गोखले व युवा गायक अभिषेक मंडलिक यानी संगीत या विषयावर सर्वाना बहुमोल मार्गदर्शन केले. डॉ. शिल्पा, डॉ. निहारिका व अनुष्का भिडे यांच्या सुमधुर गायनाने कार्यक्रम रंगतदार झाला. कवयित्री निलिमा देशपांडे यांनी अभ्यासपूर्ण निवेदन करून श्रोत्यांच्या ज्ञानात भर टाकली. संस्थेच्या नवीन पनवेल शाखेच्या अध्यक्षा उमा जोशी यांच्या नेतृत्वाखाली कार्यकारिणीने हा बहारदार कार्यक्रम संपन्न केला.