पाले गावातील तरुण रुपेश म्हात्रे या दिव्यांग बांधवाचा प्रामाणिकपणा

सिटी बेल | उरण | विठ्ठल ममताबादे |

रुपेश म्हात्रे हा उरण तालुक्यातील पाले या खेडे गावातला तरुण.रुपेश हा आपल्या उदरनिर्वाहा पोटी भेंडखळ येथिल ULA या कंपनी बाहेर एक टपरी टाकून आपला छोटेखानी व्यवसाय करीत आहे.स्वतःच्या दिव्यांगावर मात करुण रुपेश आपल्या पत्नी आणि छोट्या लहान बाळाचा उदरनिर्वाह मोठ्या ध्येयाने करीत आहे.नेहमी प्रमाणे रुपेश आपली टपरी बंद करुन पाले गावात आपल्या घरच्या दिशेने प्रवास करीत होता.प्रवास करते दरम्यान त्याला पाणदिवे -पिरकोन या मार्गावर एक पर्स सापडली.

खरतर अंगी प्रामाणिक पण असल्याने तो पाकीट उघडून पाहाण्याची भिती नसल्याचे कारणच नाही.त्यामुळे रुपेश ने तो पाकीटाची पाहणी केली तर त्यात त्याला 7/8 हजार रुपये रोक कँश,ए टी एम,पँन कार्ड,आधार कार्ड व ईतर छोटे दस्तऐवज होते. ते पाहील्यावर समजले की सदर पर्स ही आवरे गावातील तरुण विशाल विष्णू गावंड याची असल्याचे समजताच रुपेश ने सोशल मिडीयावर मेसेज व्हायरल करुन तो मेसेज विशाल गावंड पर्यंत पोहचण्याचे आवाहन केले.आणि ती पर्स विशाल गावंड च्या हातात जशीच्या तशी पोहच केली.

रुपेश म्हात्रे या दिव्यांग बांधवाची प्रामाणिकणाचा स्वभाव सर्व जनतेला भावला आणि रुपेशवर अभिनंदनाचा वर्षाव झाला. त्यामुळे रुपेश सारख्या दिव्यांग बांधवाने आपली प्रामाणिकपणा सिद्ध केल्याने या जगात माणूसकी जिवंत असल्याचा बोध मिळतो.