न्यु मॅरीटाईम अँन्ड जनरल कामगार संघटनेची घोडदौड जोमाने सुरू

महेंद्र घरत यांच्या मध्यस्थीमुळे सुरज ॲग्रो मधील कामगारांना १५००० रूपयांची पगारवाढ

सिटी बेल | प्रतिनिधी |

कामगार नेते महेंद्रशेठ घरत यांच्या नेतृत्वातील न्यु मॅरीटाईम अँन्ड जनरल कामगार संघटनेची घोडदौड जोमाने सुरू आहे. संघटनेच्या माध्यमातून २०२१ या वर्षातील ९ वा पगारवाढीचा करार आज करण्यात आला. मे. सुरज ॲग्रो प्रा. लि. उरण या कंपनीतील कामगारांसाठी तब्बल १५००० रूपयांचा पगारवाढीचा करार कामगार नेते महेंद्र घरत यांच्या उलवे ऑफिसमधे करण्यात आला. या करारनाम्यानुसार कामगारांना तीन वर्षासाठी १५००० रूपये, पगारवाढ बोनस ३२ ते ३५ हजार रूपये प्रत्येकी, कोवीड भत्ता ३००० रूपये प्रत्येकी, जेवणासाठी १८०० रूपये प्रत्येक महीन्यासाठी, मेडीकलसाठी एक बेसिक प्रत्येकी, पिकनिकसाठी १५०० रूपये प्रत्येकी देण्याचे मान्य करण्यात आले आहे.

याप्रसंगी कामगार नेते महेंद्र घरत आपले मनोगत व्यक्त करताना म्हणाले की, कोवीड काळात एकीकडे रोजगार जात असताना व्यवस्थापनाने चांगली पगारवाढ देवुन कामगारांचे मनोधैर्य वाढविले आहे. कामगारही कंपनीच्या प्रगतीसाठी नेहमीच प्रयत्न करतील व सहकार्य करतील असे आश्वासीत केले. जेव्हा जेव्हा कंपनीला मदतीची गरज भासेल त्यावेळी संघटना व कामगार मदतीसाठी पूढे असतील असे ते यावेळी म्हणाले.

या पागरवाढीच्या करारनाम्याप्रसंगी संघटनेचे अध्यक्ष कामगार नेते मा. महेंद्रशेठ घरत, कार्याध्यक्ष पि.के.रामण, सरचिटणीस वैभव पाटील, व्यवस्थापनातर्फे सौ. जि.के. तारामती ( एच. आच हेड), यशवंत गणवीर कामगार प्रतिनिधी अरूण पाटील, किशोर पाटील, राकेश म्हात्रे, शौकत अली आदी उपस्थीत होते. पगारवाढीमुळे कामगारांमधे आनंदाचे वातावरण होते.