उरण मध्ये नवीन आधार कार्ड केंद्र

सिटी बेल | उरण | विठ्ठल ममताबादे |

नागरिकांना आधार कार्ड बद्दल होणारी गैरसोय टाळण्यासाठी व नागरिकांना सोयीस्कर होईल अशा हाकेच्या अंतरावर त्यांना जाता येईल, नागरिकांचे श्रम व वेळ याची बचत व्हावी या दृष्टीकोनातून उरण शहरातील पेन्शनर्स पार्क येथील नगर परिषदेच्या शाळेत पहिल्या मजल्यावर नवीन आधार कार्ड केंद्र सुरु करण्यात आले आहे.

एका दिवसात साधारण 30 नागरिक आधार नोंदणी करू शकतात. शनिवार, रविवार तसेच शासकीय सुट्टीच्या दिवशी हे केंद्र बंद राहील. इतर दिवशी हे केंद्र चालू असून सकाळी 10 ते दुपारी 5 या दरम्यान हे केंद्र चालू असेल. भारतातील कोणतेही व्यक्ती या आधार केंद्रावर आपले नाव नोंदणी करू शकते. आधार कार्ड नाव नोंदणी केली कि आधार कार्ड 10 दिवसात तयार होते. ज्या व्यक्तींना आधार कार्ड काढायचे आहे त्यांनी आधार कार्डचे संचालिका आशा पाटील फोन नंबर -9422875305 यांच्याशी संपर्क साधावे असे आवाहन करण्यात आले आहे.

शासकीय नियमाप्रमाणे नवीन आधार कार्ड फ्री मध्ये आहे. बायोमेट्रिकला 100 रुपये तर डेमोग्राफिकला 50 रुपये शासकीय दरानुसार घेतले जातात. आधार कार्ड वरील नाव बदलणे, पत्ता बदलणे, नवीन आधार कार्ड तयार करणे आदी कामे या केंद्रावर केली जातात.