दहा गाव माजी विद्यार्थी संघटनेकडून प्रा.एल.बी. पाटील यांचा सत्कार

सिटी बेल | उरण |

महाराष्ट्र राज्य साहित्य आणि संस्कृती मंडळ,सदस्य पदी रायगड भूषण प्रा .एल.बी.पाटील यांची निवड झाल्याने दहा गाव माजी विद्यार्थी संघटनेचे अध्यक्ष विलास गावंड यांच्या शुभहस्ते श्री,व सौ एल.बी.पाटील यांचा सत्कार करण्यात आला.

यावेळी अध्यक्ष विलास गावंड म्हणाले की, एल.बी यांनी विविध क्षेत्रात उल्लेखनीय कार्य केले असून रायगड मध्ये अनेक कवी लेखक घडविले आहेत. ज्येष्ठ साहित्यिक ए.डी.पाटील यांनी सांगितले की, एल. बी. पाटील हे कोकणच्या साहित्य दिंडीतील मोठे वारकरी आहेत.

तसेच सामाजिक कार्यकर्ते प्रभाकर म्हात्रे, एच.के.गावंड,एल.एन.भगतसर यांनी ही आपली मनोगते व्यक्त केली. आपले मनोगत मांडतांना प्रा. एल.बी. पाटील म्हणाले की, पद्मभूषण मधुभाई,समाजातील ज्येष्ठ,माझ्या असंख्य मित्रवर्ग यांचे प्रेम आणि आशीर्वाद यांच्यामुळे जी माझ्याकडून साहित्य सेवा घडली त्यातून हे मला यश मिळाले आहे.