लोकनेते दि.बा.पाटील यांचे नाव विमानतळाला देण्यासाठी भाजप आक्रमक

आमच्या मनाने घेतलाय ठाव, आंतराष्ट्रीय विमानतळाला दि. बा. पाटील यांचेच नाव

सिटी बेल | उरण | विठ्ठल ममताबादे |

भाजप नेते तथा उरण विधानसभेचे विद्यमान आमदार महेश शेठ बालदी ह्यांच्या आदेशानुसार आंदोलनाची नवी दिशा म्हणून स्व. दि. बा. पाटील ह्यांचेच नाव पनवेल येथील आंतरराष्ट्रीय विमानतळाला मिळावे म्हणून उरण तालुक्यात अनेक ठिकाणी फलक लावून समर्थन दिले जात आहे.तर अनेक ठिकाणी जनजागृती करण्यात येत आहे. त्याचाच एक भाग म्हणून समस्त भाजप – पिरकोन आणि समस्त स्व. दि. बा. पाटील (पिरकोन ग्रामस्थ) समर्थक ह्या आंदोलनात सहभागी आहेत.असा संदेश देत पिरकोन येथे फलक लावण्यात आला.

हा फलक लावताना उरण भाजप उपाध्यक्ष मुकुंद गावंड, उरण गाव उपाध्यक्ष बाळकृष्ण पाटील, गाव अध्यक्ष सुनील घरत, भाजप पिरकोन सचिव नितीन गावंड, ज्येष्ठ निष्ठावंत कार्यकर्ते नंदलाल गावंड, युवा कार्यकर्ते नवनीत गावंड, युवा कार्यकर्ते प्रकाश गावंड आणि समर्थक अनिल गावंड जातीने आवर्जून उपस्थित होते.

लोकनेते दि.बा.पाटील यांचे नाव नवी मुंबई येथील आंतरराष्ट्रीय विमानतळाला देण्यात यावे यासाठी भारतीय जनता पार्टी आक्रमक झाली असून माजी खासदार रामशेठ ठाकूर, आमदार प्रशांत ठाकूर, आमदार महेश बालदी आदी भाजप नेते पदाधिकारी -कार्यकर्ते गावोगावी फिरून, बैठका घेऊन जनजागृती करत आहेत.