देवकान्हे येथे बुद्धपौर्णिमा साधेपणाने साजरी

सिटी बेल । खांब-रोहे । नंदकुमार मरवडे ।

विश्वाला शांतीचा संदेश संदेश सिद्धार्थ भगवान गौतम बुध्द यांच्या बुद्धपौर्णिमेचा उत्सव रोहे तालुक्यातील देवकान्हे येथे लुंबिनी बौद्धनगर देवकान्हे येथे साधेपणाने साजरा करण्यात आला.

सध्या जगभर कोरोना या महामारीने थैमान घातले असल्याने सण,समारंभ व उत्सव साजरा करणे याबाबत ठराविक नियमावली लागू करण्यात आली आहे. त्या अनुसार लुंबिनी बौद्धनगर देवकान्हे येथे बौद्धविहारामध्ये बुद्धपौर्णिमेचा उत्सव शासकीय नियमानुसार साध्या पद्धतीने साजरी करण्यात आली.बौद्ध समाजसेवा संघाचे संस्थापक तथा समाजनेते यशवंत शिंदे सर यांच्या अध्यक्षतेखाली संंपन्न झालेल्या या उत्सव प्रसंगी सुरूवातीला पंचशील ध्वजाचे ध्वजारोहण करण्यात आले. तद्नंतर पूजापाठ,मान्यवरांचे स्वागत,पाहुण्यांचे मनोगत आदी कार्यक्रम संपन्न करण्यात आले.

यावेळी येथील सरपंच रायगड भूषण शाहीर वसंत भोईर,सदस्य दयाराम भोईर, पो.पाटील दयाराम भोईर, तुळशीराम कांबळे,पिंट्या कोकरे,तेजेश भोईर,चंद्रशेखर कांबळे आदी मान्यवरांसह येथील उत्सव कमिटीचे अध्यक्ष विश्वनाथ जाधव,उपाध्यक्ष संजय जाधव,सेक्रेटरी दीपक मोरे,सागर गायकवाड,खजिनदार राज जाधव, सल्लागार जगदीश जाधव,संदेश गायकवाड, सदस्य नागसेन जाधव तसेच येथील ग्रामस्थ व महिला तसेच तरुण मंडळाचे सदस्य उपस्थित होते. या कार्यक्रमाचे सूत्रसंचलन चंद्रशेखर कांबळे यांनी केले. तर उपस्थित मान्यवरांचे आभार व्यक्त करुन व शरणागतीने कार्यक्रमाची यशस्वी सांगता करण्यात आली.