मंदिराचे काम त्वरित सुरु करण्याचे खा. तटकरेंचे आदेश

आंबेवाडी येथील ग्रामदैवत अंबर सावंत महाराजांच्या सभामंडपाच्या जीर्णोद्धारासाठी खा. सुनिल तटकरे यांची सदिच्छा भेट

सिटी बेल । गोवे-कोलाड । विश्वास निकम ।

रायगडचे खासदार सुनिल तटकरे, आमदार अनिकेत तटकरे यांनी मंगळवार दि.२७ एप्रिल रोजी सकाळी १० वा. आंबेवाडी येथील ग्रामदैवत श्री अंबर सावंत महाराज यांच्या सभामंडपाच्या जीर्णोद्धार करण्यासाठी या मंदिरात सदिच्छा भेट दिली.व या मंदिराचे काम त्वरित सुरु करण्याचे आदेश वास्तूविशारद श्री पोरेसर यांना दिले.तसेच मुंबई-गोवा हायवे वरील असणाऱ्या या मंदिराचे काम अतिशय देखणे व सुसज्ज करावे असे खा.सुनिल तटकरे यांनी सांगितले.

खा. सुनिलजी तटकरे यांच्या मार्गदर्शना खाली, आ. अनिकेत तटकरे यांच्या सहकार्यातून, कोकण ग्रामीण पर्यटन विकास कार्यक्रमांतर्गत रायगडच्या पालकमंत्री आदिती तटकरे यांच्या प्रयत्नातून कोलाड नाक्यावरील आंबेवाडीचे ग्रामदैवत श्री.अंबर सावंत महाराज यांच्या सभामंडपाच्या जीर्णोद्धारासाठी नुकतेच २० लाख रुपयांचा भरीव निधी उपलब्ध करून देण्यात आला आहे. यावेळी आंबेवाडी सरपंच सुरेश महाबळे, उपसरपंच श्रीकांत चव्हाण,गोवे ग्रामपंचायत सरपंच महेंद्र पोटफोडे, राष्ट्रवादी पक्षाच्या रोहा तालुका महिला अध्यक्षा व आंबेवाडी ग्रामपंचायत सदस्या सौ. प्रितम पाटील,महेंद्र वाचकवडे, कुमार लोखंडे, राकेश लोखंडे, जगन्नाथ धनावडे, अविनाश पलंगे,कांचन वाचकवडे,गणेश वाचकवडे, शैलेश सानप,महेश वाचकवडे, व आंबेवाडी गावातील असंख्य ग्रामस्थ उपस्थित होते.