डोलवहाळ येथे श्री.गणेशजयंती उत्सव सोहळ्याचे आयोजन

सिटी बेल लाइव्ह । खांब-रोहे । नंदकुमार मरवडे ।

रोहे तालुक्यातील निसर्गरम्य परिसरात वसलेल्या डोलवहाळ गावी सालाबादप्रमाणे याही वर्षी सोम.दि.१५ रोजी श्री.गणेश जयंती उत्सव सोहळ्याचे आयोजन करण्यात आले आहे.

गेल्या १४ वर्षांची यशस्वी परंपरा राखणा-या व श्री.गणेश व श्री.भैरीनाथ मंदिरात सार्वजनिक श्री.गणेश उत्सव सोहळा ग्रामस्थांचे संकल्पनेने व गुरूवर्य अभिषेक तसेच श्री.गणेश जन्मावर ह.भ.प.राममहाराज आंबेकर यांची किर्तनसेवा,दु.१२ ते ३ वा.राममहाराज आंबेकर व हरिश्चंद्र महाराज धामणसे यांच्या नेत्रुत्वाखाली ग्रंथराज ज्ञानेश्वरीचे ९ व १२ व्या अध्यायाचे सामुदायिक पारायण,सायं.४ ते ५ श्रींची मिरवणूक, ५ ते ६ ह.भ.प.राममहाराज आंबेकर यांची प्रवचनसेवा, ६ वा. ऐनघर पंचक्रोशी, रायगड दिंडी कोलाड विभाग व ग्रामस्थ मंडळ डोलवहाळ यांचे हरिपाठ,सायं.७:३० वा.महाप्रसाद,रात्रौ ९ वा.ह.भ.प.राममहाराज सावंत यांची किर्तन सेवा तद्नंतर ग्रामस्थ मंडळ डोलवहाळ यांचे जागरभजन आदी धार्मिक तथा अध्यात्मिक कार्यक्रम संपन्न होणार आहेत.

तरी या सोहळ्यास अधिकाधिक भक्तांनी उपस्थिती नोंदवून कार्यक्रमाचा लाभ घ्यावा अशाप्रकारचे अवाहन ग्रामस्थांचे वतीने करण्यात आले आहे.तर या सोहळ्याचे यशस्वीतेसाठी ग्रामस्थ व महिला मंडळ डोलवहाळ व शिवप्रेमी मित्रमंडळ डोलवहाळ अधिक मोलाचे सहकार्य करीत आहेत.