सिटी बेल लाइव्ह । उरण । घन:श्याम कडू ।
रायगड जिल्ह्यातील ग्रामपंचायत कर्मचाऱ्यांच्या प्रलंबीत मागण्यांसाठी आज रायगड जिल्हा ग्रामपंचायत कर्मचारी संघटनेच्या उरण तालुका ग्रामपंचायत कर्मचारी संघटनेने उरण पंचायत समिती कार्यालयासमोर धरणे करण्यात येणार आहेत.
रायगड जिल्ह्यातील ग्रामपंचायत कर्मचाऱ्यांच्या अनेक मागण्या प्रलंबीत आहेत. त्या सोडविण्यासाठी अनेक वेळा प्रयत्न करुन ही त्या सुटल्या नाहीत. त्यामध्ये २८ एप्रिल २०२० चा उत्पन्न व वसुलीची अट घालणारा शासन निर्णय रद्द करणे, १० ऑगस्ट २०२० च्या किमान वेतन शासन निर्णयाची शासन स्तरावरून अंमलबजावणी करणे, २० ऑगस्ट २०२० चा राहणीमान भत्ता कमी करणारा शासन निर्णय रद्द करणे आदी मागण्यांसाठी गुरुवार दि. २८ जानेवारी रोजी सकाळी ११ वाजता उरण पंचायत समिती कार्यालयासमोर उरण तालुका ग्रामपंचायत कर्मचारी संघटना धरणे आंदोलन करणार आहेत. तरी सर्व पदाधिकारी व सदस्यांनी या आंदोलनात सहभागी होण्याचे आवाहन प्रसिद्धीस दिलेल्या पत्रकात नमूद केले आहे.
याबाबतचे पत्र उरण ग्रामपंचायत कर्मचारी संघटनेच्या पदाधिकाऱ्यांनी उरण पोलीस ठाणे, तहसील कार्यालय व पंचायत समिती यांच्या अधिकारी वर्गांना दिले आहेत.
Be First to Comment