इंडोस्कोप व्यवस्थापना विरोधातील उपोषण

माजी आमदार सुरेश लाड यांचा यशस्वी तोडगा : स्थानिक कामगार भरती उपोषण रद्द

सिटी बेल लाइव्ह । खालापूर । मनोज कळमकर ।

स्थानिक कामगाराना डावलेले जात असल्याच्या मुद्दयावरून मंगळवारी इंडोस्कोप व्यवस्थापना विरोधातील उपोषण राष्ट्रवादी काँग्रेसचे जिल्हाध्यक्ष माजी आमदार सुरेश लाड यांच्या यशस्वी मध्यस्तीने टळले असून व्यवस्थापनाची सकारत्मकता यामुळे औद्योगिक कलह टळला आहे.तालुक्यातील वावोशी छत्तीशी भागातील जांभिवली ग्रामपंचायत हद्दीतील इंडोस्कोप  प्रायव्हेट  लिमिटेड कारखान्यात नोकर भरतीवरून वातावरण तापले होते.

स्थानिक प्रमोद शिर्के यानी मंगळवारपासून उपोषणाची तयारि केली होती.याप्रकरणी इंडोस्कोप व्यवस्थापनाकडून उपोषण कर्त्यासह आमदार महेंद्र थोरवे,माजी आमदार सुरेश लाड,रायगड पोलीस अधीक्षक, तहसीलदार याना सध्या कारखान्यात कार्यरत कामगारांची यादी नावासह पाठविण्यात आली होती. 90 ते 95टक्के कामगार स्थानिक रायगड मधील असून परप्रांतिय हाताच्या बोटावर मोजता येतील एवढेच असल्याचे व्यवस्थापनाकडून लेखी देण्यात आले होते.

सामाजिक व औद्योगिक शांतता भंग होवू नये यासाठी कारखाना व्यवस्थापनाकडून सुरेश लाड यांची भेट घेण्यात आली होती.त्यामुळे सकारात्मक मार्ग निघेल अशी स्थानिकाना आशा होती.मंगळवारी व्यवस्थापन आणि उपोषणकर्ते यांच्यात चर्चेनंतर उपोषण मागे घेण्यात आले. 

स्थानिकांना नोकरी व्यवसायात सामावून न घेता उलट परप्रांतीयांची भरती करणाऱ्या इंडोस्कोप  प्रा लि कारखाना  व्यवस्थापन विरोधात स्थानिकांचा संताप वाढला आहे. त्यानुच दि .19 मंगळवार पासून कंपनी विरोधात स्थानिक तरुणांनी आमरण उपोषणाचे हत्यार उपसले होते .या उपोषणास राष्ट्रवादीचे जिल्हा अध्यक्ष व माजी आमदार सुरेश लाड यांनी सक्रिय पाठींबा दिला होता. त्यामुळे कंपनी विरोधात स्थानिक असा संघर्ष निर्माण होण्याची शक्यता निर्माण झाली होती. याची दखल घेत मंगळवारी सकाळी कंपनी व्यवस्थापनाने येणाऱ्या काळात स्थानिक तरुणांनाच प्रथम प्राथमिकता देण्याचे आश्वासन दिल्याने उपोषणाचे आंदोलन स्थगिती ठेवण्यात आले आहे.खालापूर पोलीस निरिक्षक  अनिल विभुते कायदा सुव्यवस्थेच पालन व्हावे यासाठी  उपोषण ठिकाणी हजर होते.