सिटी बेल लाइव्ह । खालापूर । मनोज कळमकर ।
स्थानिक भूमिपूञाना न्याय देण्यासाठी महाराष्ट्र नवनिर्माण सेनेची कामगार सेना लढा देत असून कारखाना मालकांची मोगलाई संपविण्यासाठी कामगार सेनेचा रायगडात झंझावत सुरू करणार असल्याची गर्जना महाराष्ट्र नवनिर्माण कामगार सेनेचे प्रदेश सरचिटणीस गजानन राणे यानी खालापूरात केली.मे रामरत्ना इंफ्रास्ट्रक्चर प्रा.लि कारखान्यातील युनियन स्थापनेसाठी राणे उपस्थित होते.
तालुक्यातील होनाड ग्रामपंचायत हद्दित असलेला मे रामरत्ना इंफ्रास्ट्रक्चर मध्ये चार चाकी वाहनाची पार्किंग लिफ्ट उत्पादन होते. 60 स्थानिक कामगार कमी पगारात 12 तास काम करीत असून कोणतीही सुविधा व्यवस्थापन देत नसून वेतन वाढही होत नसल्याने कामगारात असंतोष होता.
कामगारांनी महाराष्ट्र नवनिर्माण सेनेची युनियन सभासद स्विकारले आहे. युनियनच्या नामफलकाचे अनावरण साठी कारखान्याच्या प्रवेश व्दारावर बैठक घेण्यात आली.यावेळी उपाध्यक्ष निशाकांत गायकवाड,हेमंत कोळी,चिटणीस राज पारठे,अंकुश जाधव,अण्णा लोखंडे,रायगड जिल्हा अध्यक्ष,उपाध्यक्ष जे.पी.पाटील,वाहतुक सेना उपाध्यक्ष अभिजीत दर्गे,तालुकाध्यक्ष सचिन कर्णूक,हेमलता चिंबुळकर,प्रिया पटेल,तालुका उपाध्यक्ष संदीप पाटील यांच्यासह कामगार मोठ्या संख्येने उपस्थित होते.
शेतकऱ्यांची जमिनी कवडीमोल घेवून त्यांची पिळवणूक केली जात असून रायगड जिल्ह्यात अनेक कामगार युनियन असतानाही कामगारांचे भले न करता गंब्बर झाले आहेत. कामगार कायद्यात स्थानिकांना ८० टक्के नोकरीत सामावून घेणे असतानाही जमिन आपली आणि मलई खातो मालक तरी स्थानिक शिवसेना नेते गप्प आहेत.
गजानन राणे- महाराष्ट्र नवनिर्माण कामगार सेनेचे प्रदेश सरचिटणीस
Be First to Comment