शेरॉन बायो मेडिसिन मधील कामगार महेंद्र घरत यांच्या छत्रछायेखाली

सिटी बेल लाइव्ह । पनवेल । वार्ताहर ।

पनवेल तालुक्यातील तळोजा एमआयडीसी येथील बायो मेडिसिन कंपनीतील कामगारांनी कामगार नेते महेंद्र घरत यांच्या न्यू मेरिटाइम जनरल कामगार संघटनेच्या नेतृत्वावर विश्वास ठेवून संघटनेचा झेंडा हाती घेतला आहे. नुकताच कंपनीच्या गेट बाहेर संघटनेच्या फलकाचे अनावरण महेंद्र घरत व संघटनेचे पदाधिकारी यांच्या उपस्थितीत करण्यात आले.

संपूर्ण महाराष्ट्रात असलेल्या कामगार संघटनांमध्ये आणि स्थानिक पातळीवरील कामगार संघटनेमध्ये फरक असते तो फरक न्यू मेरी टाईम कामगार संघटनेचे सभासदत्व स्वीकारल्यानंतर लक्षात येते. इतर कामगार संघटनांच्या पदाधिकाऱ्यांना भेटण्यासाठी कामगारांना तासनतास रखडावे लागते. मात्र स्थानिक कामगार संघटना न्यू मेरिटाइम कामगार संघटना ही असून या संघटनेचेही पनवेल-उरण-उलवे आणि मुंबई अशी कार्यालये कामगारांसाठी संपर्क कार्यालय म्हणून २४ तास सेवेत ठेवण्यात आली आहेत. त्यामुळे कामगारांच्या समस्या जाणून घेऊन त्यांना आलेल्या अडचणीतून मात करण्यासाठी संघटना कशा पद्धतीने आपले काम करत असते याची प्रचिती या संघटनेच्या मार्फत कामगारांना येत आहे. या संघटनेच्या सभासदांसाठी येणाऱ्या अडचणी मध्ये पोलीस ठाण्याच्या अडचणी असो किंवा मग त्यांच्या औषध उपचाराचा विषय असो अथवा त्यांच्या मुलांच्या शाळेच्या प्रवेशाचा मार्ग असो या साऱ्यावर संघटनेतर्फे मोलाची मदत केली जाते.

संघटनेचे अध्यक्ष महेंद्र घरत हेअर राष्ट्रीय तसेच आंतरराष्ट्रीय कामगारांचे नेतृत्व करत असल्यामुळे त्यांच्या अनुभव कौशल्याच्या जोरावर ते कामगारांच्या न्यायासाठी तात्काळ मार्ग काढत असतात. आणि याच बाबींमुळे कामगार क्षेत्रातील कामगारांमध्ये समाधान कारक पसरलेली ही बाब आहे.

नुकत्याच फलक अनावरण कार्यक्रमात वेळी न्यू मेरीटाइम जनरल कामगार संघटनेचे सर्वेसर्वा महेंद्र घरत यांच्यासह संघटनेचे पदाधिकारी पि.के. रमण, वैभव पाटील, मुरलीधर ठाकूर, पी.एस.म्हात्रे, विजय दाभणे, भगवान ढोंगरे, आनंद ठाकूर, विजय काठावले, रमेश पोरजी, लहू माने, सुभाष तांडेल, संजीवन कांबळे, निलेश कदम, नरेश पाटील तसेच स्थानिक नेते लहू शेठ ढोंबरे, दीपक बोंड, लहू मुंडे, प्रभाकर फडके, अंकुश शेठ ढोंगरे, युनिट अध्यक्ष महेंद्र ढोंगरे, कामगार प्रतिनिधी रोहन कोळी, अनिल ढोंगरे, आकाश फडके, महेश पाटील आदींसह कामगार उपस्थित होते.