लवकरच मंत्रालयात बैठक बोलाविण्याचे मुख्यमंत्र्यांचे संकेत

नवीन शेवा व हनुमान कोळीवाडा या गावचे पुनर्वसनासाठी माजी आमदार मनोहरशेठ भोईर यांचे मुख्यमंत्र्याना साकडे 🔶🔷🔶

सिटी बेल लाइव्ह । उरण । घन:श्याम कडू । 🔷🔶🔷

जेएनपीटी बंदराच्या प्रकल्पासाठी १९८६ साली शेवा व कोळीवाडा ही गावे विस्थापित केली आहेत. महाराष्ट्र शासनाने कोकण आयुक्त व जिल्हाअधिकारी रायगड यांच्या मार्फत दोन्ही गावांचे पुनर्वसन केले. नवीन शेवा गावाचे पुनर्वसन बोकडविरा गावाजवळ केले व हनुमान कोळीवाडा गावाचे पुनर्वसन बोरी-पाखाडी या ठिकाणी केले. आजपर्यंत ३४ वर्षात सतत जिल्हाधिकारी, कोकण आयुक्त, जेएनपीटी चेअरमन यांच्याकडे अनेकवेळा पत्रव्यवहार, आंदोलने-उपोषणे केलेले आहेत. तरी सुद्धा या दोन्ही गावांचा पुनर्वसानाचा प्रश्न आजही प्रलंबीत आहे.

माजी आमदार मनोहरशेठ भोईर यांनी महाराष्ट्र राज्याचे मुख्यमंत्री उद्धवजी ठाकरे, उपमुख्यमंत्री अजितदादा पवार, संबधित खात्यांचे मंत्री व अधिकारी यांच्याकडे सदर प्रश्न मार्गी लावण्यासाठी पत्राद्वारे साकडे घातले आहेत.
त्यामुळे लवकरच मंत्रालयात या प्रश्नावर बैठक बोलाविण्यात येईल असे संबधित विभागाकडून कळविण्यात आले असल्याची माहिती मनोहरशेठ भोईर यांनी दिली.