अजित म्हात्रे यांच्या आंदोलनाला यश !

दास्तान फाट्यावर उड्डाण पुलाची मागणी मंजूर 🔷🔶🔷

सिटी बेल लाइव्ह । उरण । विठ्ठल ममताबादे । 🔶🔷🔶

उपोषण सम्राट समाज सेवक अजित म्हात्रे व उरण तालुक्यातील प्रसिद्ध वकील ऍड.दत्तात्रेय नवाळे यांच्या संयुक्त प्रयत्नाने दास्तान फाट्यावर उड्डाण पुलाची मागणी मंजूर झाली आहे.

उरण तालुक्यातील दास्तान फाट्यावरुन नविन 10 पदरी लेनच्या महामार्गावर दास्तान फाट्यावर रस्ता ओलांडणेकरिता कोणत्याही प्रकारची उड्डाण पुलाची सोय नसल्याचे दिसून आल्यामुळे ऍड.दत्तात्रेय नवाळे यांचे सल्ल्याने सामाजिक कार्येकर्ते अजित म्हात्रे यांनी भारतीय राष्ट्रीय राजमार्ग प्राधिकरण व जेएनपीटी प्रशासन यांना उड्डाण पूल बांधण्या करिता निर्वाणीचा इशारा दिला व आमरण उपोषणाची नोटिस दिली होती तेथे उड्डाण पूल नसल्यामुळे नागरिकांना दास्तान फाट्यावरील रस्ता ओलांडणे करीता 1 ते 2 कि.मी चा वळसा घालावा लागणार होता.

तसेच सर्व नागरीकांना 9 मीटरचा फूट ब्रीज चढून उतरावा लागणार होता. त्याला अनुसरुन जेएनपीटी पीपीडी चे अधिकारी शेखर लागवणकर व भारतीय राष्ट्रीय राजमार्ग प्राधिकरण चे अधिकारी आर एम जिरंगे यांनी दिनाक 6 – 10- 2020 रोजी प्रत्यक्ष दास्तान फाट्यावर येऊन संयुक्तपणे पाहणी करुन करुन दोन्ही अधिकाऱ्यांनी लवकरच दास्तान फाटा येथे उड्डाण पूल बांधून देण्याचे कबूल केले व त्या करीता शासनाकडे प्रस्ताव पाठविण्याचेही कबुल केले.

सदरच्या मागणीचा पाठपुराव्या करिता कर्णीक शांताराम पाटील व इतर सामाजिक कार्यकर्त्यांनी सुध्दा मोलाचे सहकार्य केले. या कार्याबद्दल उपोषण सम्राट समाज सेवक अजित कृष्णा म्हात्रे व ऍड दत्तात्रेय नवाळे यांच्यावर समाजामध्ये अभिनंदनाचा वर्षाव होत आहे.