नारायण निकम यांचे आकस्मित दुःखद निधन

सिटी बेल लाइव्ह / गोवे-कोलाड (विश्वास निकम) 🔷🔶🔶🔷

रोहा तालुक्यातील हेटवणे गावाचे रहिवाशी नारायण चंदर निकम यांचे आकस्मित निधन झाले.मृत्युसमयी त्यांचे वय ८५ वर्षांचे होते. त्यांचा स्वभाव प्रेमळ व सर्वांना परोपकारी पडणारे असे सर्वांना परिचित होते.त्यांच्या आकस्मित निधनामुळे निकम कुटूंबावर दुःखाचे डोंगर व परिसरात शोककळा पसरली आहे .

कोरोनामूळे त्यांच्या अंत्यदर्शनासाठी मोजकेच नागरीक उपस्थित होते परंतु मोबाईलच्या द्वारे त्यांना असंख्य नागरिकांनी श्रद्धांजली वाहिली.

नारायण चंदर निकम हे मुंबई येथे सुतमिल मध्ये गिरणी कामगार म्हणून अनेक वर्षे नोकरी करीत होते त्यामुळे त्यांना रोहा तालुक्यात सर्वजण मुंबईवाले या नावानेच ओळखत होते.त्यांना अध्यात्मिक व धार्मिक कार्यक्रमाची आवड होती.तसेच सामाजिक कार्यात नेहमी सक्रीय होते.त्यांनी आपल्या कुटूंबावर तसेच मुलांवर नातवंडांवर चांगले संस्कार केले.

त्यांच्या पश्चात त्यांची पत्नी,एक मुलगा,एक मुलगी, बहीण, पुतणे,नातवंडे,पतवंडे तसाच मोठा
निकम परिवार आहे. मोठ्या निकम परिवारातील जाणते तसेच गावातील थोर विचारवंत निकम यांचे निधन झाल्याने त्यांच्या विषयी सर्वत्र शोक व्यक्त केला जात आहे. सर्वांना मुबंई वाले म्हणून सुपरिचित ओळखले जाणारे निकम यांचे दसक्रिया विधि शुक्रवार दि.२ ऑक्टोबर तर उत्तर कार्य विधी रविवार दि.४ ऑक्टोबर २०२० रोजी त्यांच्या निवास्थानी होणार असल्याची माहिती त्यांच्या कुटूंबिटांकडून प्राप्त झाली आहे,