बाळसई येथील चंद्रभागा नावले यांचे अल्पशा आजाराने निधन

सिटी बेल लाइव्ह / नागोठणे (महेश पवार) : 🔶🔷🔷🔶

नागोठण्याजवळील बाळसई येथील चंद्रभागा चंदर नावले (वय ९०) यांचे त्यांच्या राहत्या घरी अल्पशा आजाराने निधन झाले.

बाळसई गावचे शिवसेना शाखाप्रमुख व नागोठणे येथील जोगेश्वरी पतसंस्थेचे व्यवस्थापक सुनिल नावले यांच्या त्या मातोश्री होत्या. चंद्रभागा नावले यांनी वेळोवेळी संपुर्ण कुंटुबाला केलेले बहुमुल्य मार्गदर्शन हे नेहमीच सर्वांच्या लक्षात राहील. त्यांचा स्वभाव अंत्यत मनमिळाऊ व प्रेमळ होता. नेहमीच हसरा चेहरा असणा-या चंद्रभागा नावले यांच्या निधनाने संपुर्ण नावले कुंटुब पोरके झाले आहे. त्यांच्या पार्थिवावर बाळसई येथील वैंकुठ स्मशानभूमीत अंत्यसंस्कार करण्यात आले.

कै. चंद्रभागा नावले यांच्या मागे पाच मुले, एक मुलगी, सुना, नातवंडे, पतवंडे असा मोठा परिवार आहे. त्यांचे दशक्रिया विधी मंगळवार दि. २२ सप्टेंबर रोजी व उत्तरकार्य शुक्रवार दि.२५ सप्टेंबर रोजी बाळसई येथे होणार असल्याचे नावले कुंटुबियांकडुन सांगण्यात आले.