अरे बापरे.. उरणमध्ये आज ३० कोरोना पॉझिटिव्ह

सिटी बेल लाइव्ह / उरण(घन:श्याम कडू) ###

कोरोना कोविड १९ चा प्रादुर्भाव मोठ्या प्रमाणात वाढला असून आज ३० जण पॉजेटीव्ह आढळले आहेत. आजचा पॉजेटीव्हचा आकडा मोठा आल्याने उरणच्या जनतेत भीतीचे वातावरण पसरले आहे.
उरणमध्ये आज उरण ६, चिरले २, आवर १, जसखार १, जेएनपीटी १, करंजा १, बोकडविरा १, बोकडविरा द्रोणागिरी ४, म्हातवली २, विंधणे १, चिरनेर १, जांभूळपाडा २, चाणजे १, जासई २, नवीन शेवा १, ओएनजीसी १, वेश्वि १, सोनारी १ असे एकूण ३० जण पॉजेटीव्ह सापडले. तर जेएनपीटी २, बोकडविरा १, म्हातवली १, चाणजे १, वेश्वि १, सोनारी २ असे एकूण ८ जणांना घरी सोडण्यात आले.
आज एकूण पॉजेटीव्ह ४६८, बरे झालेले २८२, उपचार घेणारे १७६ तर मयत १० झाले असल्याची माहिती तहसीलदार भाऊसाहेब अंधारे यांनी दिली.
उरणमध्ये दोन दिवस पडलेल्या पावसामुळे वातावरणात बदल होऊन कोरोनाचा प्रादुर्भाव वाढला आहे. आज एका दिवसात ३० पॉजेटीव्ह सापडल्याने उरणकर भीतीच्या सावटाखाली आहेत. प्रशासनाने पॉजेटीव्हचा वाढत चाललेला आकडा कमी करण्यासाठी पावले उचलणे गरजेचे आहे. अन्यथा उरणकरांची हालत गंभीर होण्याची शक्यता नाकारता येत नाही.