ह.भ.प.हनुमंत लभडे यांची नियुक्ती

वारकरी महामंडळ युवा संघटना महाराष्ट्र राज्य तालुका अध्यक्ष पदी ह.भ.प.हनुमंत लभडे यांची नियुक्ती

सिटी बेल • रसायनी • राकेश खराडे •

महाराष्ट्र भुमीला संताची थोर परंपरा लाभली आहे. किर्तनांच्या माध्यमातून त्यांनी समाज प्रबोधन केले.आजचे युवक शारीरिक,मानसिक दृष्ट्या सक्षम व्हावे,व्यसनमुक्त होवून त्यांनी,संत साहित्य यांची ओळख निर्माण करुन भारतीय संस्कृतीचे ज्ञान प्रत्येकापर्यंत पोहचविण्यासाठी वारकरी महामंडळ युवा संघटना महाराष्ट्र राज्य यांच्या माध्यमातून खालापूर तालुका अध्यक्षपदी ह.भ.प.हनुमंत विष्णू लभडे यांची नियुक्ती करण्यात आल्यांने लभडे यांचे सर्व स्तरांतून कौतुक होत आहे.

खालापूर तालुक्यातील वारद येथिल असलेले लभडे यांनी भजन,हरिपाठ, माध्यमातून समाज्यामध्ये प्रबोधन केले.त्यांच्या मध्ये असलेली वारकरी संप्रदाय मधिल आवड या विचारांतून त्यांनी समाज प्रबोधनांचे काम करीत असतांना आज त्यांना तालुका अध्यक्ष पदाची जबाबदारी देवून वारकरी संप्रदाय संघटना वाढविण्यासाठी मोठे योगदान देत आहे.तरुणांनी व्यसनाधीन न होता.संतांनी दाखवून दिलेल्या मार्गाचा अवलंब केल्यास मानवाला मोक्ष प्राप्ती होते.या विचारांतून त्यांनी आपले कार्य अखंड पणे सुरुच ठेवले

यावेळी भक्त सहोदर युवा वारकरी आयोजित किर्तन महोत्सव २०२२ होराळे येथे दिपोत्सव या कार्यक्रमात तालुका अध्यक्ष पदि निवड करण्यात आली. वारकरी महामंडळ युवा संघटनेचे रायगड जिल्हा कार्याध्यक्ष योगेश कदम,अध्यक्ष दिनेश महाडीक , यांच्या उपस्थीतीत व गुरुवर्य ह.भ.प. रामदास महाराज पाटील, ह.भ.प.तानाजी महाराज कर्नुक, ह.भ.प.अनंत महाराज कार्ले, ह.भ.प.ज्ञानेश्वर महाराज पाटील. ह.भ.प.दत्तात्रेय महाराज शिंदे,ह.भ.प.ज्ञानेश्वर महाराज शिंदे, अदि या कार्यक्रमास उपस्थित होते.