कलासाधना सामाजिक संस्थेच्यावतीने सत्कार

समाजसेवक प्रकाशशेठ गायकवाड राज्यस्तरीय जीवनगौरव पुरस्काराने सन्मानित

सिटी बेल | रसायनी | राकेश खराडे |

कलासाधना सामाजिक संस्थेच्यावतीने विविध क्षेत्रात उल्लेखनीय कार्य करणा-या व्यक्तिंना नवी मुंबई येथे सन्मानित करण्यात आले.यात रसायनी येथील जेष्ठ समाजसेवक प्रकाशशेठ ग्यानोजी गायकवाड यांना राज्यस्तरीय जीवनगौरव पुरस्काराने मान्यवरांच्या हस्ते सन्मानित करण्यात आले.

फुले , शाहू , आंबेडकर यांच्या विचारांचे भावी राष्ट्र निर्माण करण्यात जेष्ठ समाजसेवक प्रकाशशेठ गायकवाड यांचे योगदान हे निश्चितच कौतुकास्पद आहे .देशाचे स्वातंत्र्य,समता, बंधुत्व, धर्मनिरपेक्षता व एकात्मता टिकविण्यासाठी स्वावलंबी समाज घडविण्यासाठी त्यांनी सम्यक सामाजिक संस्थेच्या माध्यमातून आरोग्य , शिक्षण तसेच सामाजिक कार्यात नेहमीच अग्रेसर राहिल्याने त्यांना जीवनगौरव पुरस्काराने गौरविण्यात आले.यावेळी कलासाधना संस्थेच्या अध्यक्षा मेघा महाजन, सचिव अरुण पवार, श्रीराम महाजन आदी मान्यवर उपस्थित होते.

रसायनी येथील प्रकाशशेठ गायकवाड यांना सामाजिक कार्याबद्दल याअगोदरही विविध पुरस्कारांनी गौरविण्यात आले आहे.त्यांना राज्यस्तरीय जीवनगौरव पुरस्कार मिळाल्याने त्यांच्यावर अभिनंदनाचा वर्षाव होत आहे.