शिवनगर दिशादर्शक नामफलकाचे अनावरण

सिटी बेल | रसायनी | राकेश खराडे |

मोहोपाडा येथील स्थानिक रहिवाशांचे ठिकाण म्हणून शिवनगर गावची ओळख आहे.या गावामध्ये येण्यासाठी चांभार्ली थांब्यावरुन शिवनगर स्थानिकांच्या वसाहतीकडे येण्यासाठी नागरिकांची रस्ता शोधताना दिशाभूल होवू नये यासाठी चांभार्ली थांब्याजवळ शिवनगरच्या दिशेने जाणाऱ्या रस्त्याकडे बाण दाखविणारा दिशादर्शक नामफलक लावण्यात आला आहे.तसेच हनुमान मंदीराच्या वळणावर शिवनगर गावातील श्री गणेश मंदिराकडे जाणारा दिशादर्शक नामफलक लावण्यात आला आहे.

दरम्यान परगावातील येणाऱ्या नागरिकांना शिवनगर गाव शोधताना रस्त्यांची अडचण येवू नये, यासाठी हे फलक लावण्यात आले आहे.या शिवनगर नामफलकांचे अनावरण महिला व बालकल्याण माजी सभापती तथा विद्यमान सदस्या उमाताई मुंढे व माजी सरपंच संदिप मुंढे यांच्या शुभहस्ते फलकाला पुष्पहार अर्पण करून श्रीफळ वाढवून करण्यात आले.यावेळी शिवनगरवासी उपस्थित होते.