प्रेस संपादक व पत्रकार सेवा संघाच्या वतीने पुरग्रस्तांना जीवनावश्यक साहित्याचे वाटप

सिटी बेल | खांब-रोहे | नंदकुमार मरवडे |

प्रेस संपादक व पत्रकार संघ रोहा-रायगड यांच्या वतीने महाड व पोलादपूर येथील पुरग्रस्तांना एक हात मदतीचा देऊन जीवनावश्यक साहित्याचे वाटप करण्यात आले.

एकमेकांना देऊ साथ,पुढे करू मदतीचा हात या भावनेतून पुरग्रस्तांना पाणी बाँटल,बिस्किट पुडे,पत्रावळी,ग्लास, साबण,कोलगेट, टाँवेल,कडधान्ये आदी जीवनावश्यक साहित्याचे वाटप प्रेस संपादक व पत्रकार सेवा संघाच्या वतीने करण्यात आले.

यावेळी पर्यावरण विभाग महाराष्ट्र सरचिटणीस सचिन मोरे,परशुराम रटाटे,गणेश खरिवले व अन्य सहकारी उपस्थित होते.महाड-पोलादपूर येथील पुरग्रस्तांच्या मदतीला हजारो हात पुढे सरसावले आहेत.तर आपलाही खारीचा वाटा असावा या भावनेतून व सामाजिक बांधिलकीच्या नात्यातून महाड-पोलादपूर येथील विविध गावातून त्यांनी सदर साहित्याचे वाटप करण्यात आले आहे.