पुईचे पहिले सरपंच विठोबा दिसले यांचे निधन

सिटी बेल | खांब-रोहे | नंदकुमार मरवडे |

रोहे तालुक्यातील पुई ग्रा.पंचायतीचे पहिले सरपंच होण्याचा बहुमान प्राप्त करून गावाच्या विकासकामांसाठी बहुमोल योगदान देणारे माजी सरपंच विठोबा सखाराम दिसले यांचे अल्पशा आजाराने राहत्या घरी वयाच्या ८५ व्या वर्षी दु:खद निधन झाले.

रायगड जिल्ह्याचे खा.सुनील तटकरे यांचे निकटवर्तीय व अत्यंत विश्वासू असणारे विठोबा दिसले यांनी आपल्या हयातीत राजकीय व सामाजिक क्षेत्राबरोबरच सर्वच क्षेत्रामध्ये आपल्या कर्तृत्वाचा ठसा उमटविला होता.तर समाज व गावाचा विकास हेच त्यांनी आपल्या आयुष्याचे ध्येय बाळगले होते.महात्मा गांधी तंटामुक्त समितीचे अध्यक्ष असताना त्यांनी ग्रा.पंचायतीला तंटामुक्त गाव हा बहुमानाचा पुरस्कार देखील मिळवून दिला होता.त्यांच्या दु:खद निधनाचे व्रुत्त समजतात त्यांचे जवळचे आप्तस्वकीय व मित्र परिवार यांनी त्यांच्या निवासस्थानी भेट देऊन त्यांचे अंत्यदर्शन घेऊन त्यांच्या परिवाराचे सात्वंन केले.कोरोना नियमावलीचे पालन करून त्यांचे अंंत्यविधी पार पाडण्यात आले.

त्यांच्या पश्चात पत्नी, एक मुलगा,सुन,मुली,जावई व नातवंडे असा परिवार असून त्यांचे दशक्रियाविधी सोम.दि.१४ जून तर अंतिम धार्मिकविधी तेरावे गुरुवार १७ जून रोजी पुई येथील राहत्या निवासस्थानी होणार असल्याची माहिती त्यांच्या निकटवर्तीयांकडून देण्यात आली आहे.