चांगू काना ठाकूर महाविद्यालयामध्ये  रोजगार प्रशिक्षण आधारित पदवी मिळविण्याची संधी

व्यवस्थापन क्षेत्रातील  बॅचलर ऑफ मॅनेजमेंट स्टडीज (बीएमएस) मेरिटाइम लॉजिस्टिक्स पदवी अभ्यासक्रम  

सिटी बेल लाइव्ह / पनवेल(प्रतिनिधी )

चांगू काना ठाकूर कला,वाणिज्य आणि विज्ञान (स्वायत्त) महाविद्यालयामध्ये  रोजगार प्रशिक्षण आधारित  व्यवस्थापन क्षेत्रातील  बॅचलर ऑफ मॅनेजमेंट स्टडीज (बीएमएस) मेरिटाइम लॉजिस्टिक्स या विषयामध्ये पदवी मिळविण्याची संधी उपलब्ध झाली आहे. 

         देश व जगभरात व्यवस्थापन क्षेत्रातील बदलाचा वेध घेत चांगु काना ठाकूर कला,वाणिज्य आणि विज्ञान (स्वायत्त) महाविद्यालयाने व्यवस्थापन क्षेत्रातील नवीन कोर्स सुरू करण्यासाठी पावले उचललेली आहेत.यामध्ये रोजगार प्रशिक्षण आधारित बॅचलर ऑफ मॅनेजमेंट स्टडीज (बीएमएस ) मेरिटाइम लॉजिस्टिक्स  असे या कोर्सचे नाव आहे.आपल्या शिक्षण पद्धतीत पुस्तकी ज्ञान आणि त्याचा प्रत्यक्ष होणारा उपयोग यामध्ये मोठी तफावत असते.  या पार्श्वभूमीवर व्यवस्थापन क्षेत्रातील बॅचलर ऑफ मॅनेजमेंट स्टडीज (बीएमएस ) मेरिटाइम लॉजिस्टिक्स चा नवीन अभ्यासक्रम  तयार करण्यात आला असून  या कोर्सचा कालावधी तीन वर्षांचा असणार आहे.

        या कोर्सची पात्रता 10 + 2  मान्यताप्राप्त बोर्ड किंवा मान्यताप्राप्त विद्यापीठातून किमान 45 टक्के सामान्य श्रेणीसाठी   आणि  10 + 2 मान्यताप्राप्त बोर्ड किंवा मान्यताप्राप्त विद्यापीठातून  40 टक्के आरक्षित श्रेणीसाठी  अशी आहे.

या कोर्सची विशेष वैशिष्ट्ये खालील प्रमाणे आहेत –

1.सत्र एक ते चार रेग्युलर बीएमएस कोर्स प्रमाणे  (कालावधी दोन वर्षे). 

2.सत्र  पाच ते सहा  कंपनी प्रशिक्षण (कालावधी एक वर्षे.)

 त्याच प्रमाणे या प्रशिक्षण कालावधीमध्ये  10000 रु. वेतन मिळवण्याची  विद्यार्थ्यांना सुवर्णसंधी आहे.   या कोर्सचा  यशस्वीरित्या प्रारंभ करण्यासाठी  माजी खासदार व जनार्दन भगत   शिक्षण प्रसारक संस्थेचे चेअरमन लोकनेते रामशेठ ठाकूर , आमदार प्रशांत ठाकूर, अध्यक्ष अरुणशेठ भगत, व्हाईस चेअरमन वाय. टी.  देशमुख  व संस्थेचे सचिव डॉ.एस.टी.गडदे  यांचे मार्गदर्शन लाभले आहे.  या कोर्सचे शिस्तबद्ध नियोजन  सीकेटी महाविद्यालयाचे प्राचार्य  डॉ. व्हि.डी. बऱ्हाटे, उपप्राचार्य  डॉ.एस. के.पाटील,   व्यवस्थापन विभाग प्रमुख प्रो.तृप्ती जोशी आणि या कोर्सचे  समन्वयक प्रो.  कुशलकुमार  कुराणी  यांनी केले आहे.