शिवसेना अल्पसंख्यांक सेलचे उरण शहर अध्यक्ष फारुकभाई खान यांचे निधन

सिटी बेल लाइव्ह । उरण । घन:श्याम कडू ।

उरण तालुक्यातील एक उत्तम गायक, समाजसेवी व्यक्तिमत्व व अत्यंत साध्या पद्धतीने जगणारे म्हणून परिचित असलेले शिवसेना अल्पसंख्यांक सेलचे उरण शहर अध्यक्ष फारुकभाई खान यांचे शनिवारी पहाटे हृदयविकाराने निधन झाले.

तालुक्यातील भवरा येथे राहणारे फारूक खान हे शांत, मनमिळावू,सज्जन व्यक्तिमत्वाचे, व प्रेमळ स्वभावाचे होते. उरण तालुक्यात द्रोणागिरी स्पोर्ट्स असोसिएशनचे ते प्रमुख कार्यकर्ते होते, गेल्या वीस वर्षां पासून आजोजित करण्यात येणाऱ्या युवा महोत्सवात, त्यांचा सक्रिय सहभाग असायचा.गेल्या काही वर्षा पासून ते शिवसेनेशी जोडले गेले होते, कोरोना महामारीत त्यांनी सामाजिक व आरोग्य विषयक अतीशय चांगले काम केले होते.

सात महिन्यापूर्वीच त्यांच्याकडे शिवसेना अल्पसंख्यांक सेलच्या उरण शहर अध्यक्ष पदाची जबाबदारी दिली होती.
फारूक यांच्या जाण्याने उरण तालुक्यात सामाजिक व क्रीडा क्षेत्रातील मोठी हानी झाली आहे,शिवसेना परिवाराच्या वतीने त्यांना भावपूर्ण श्रद्धांजली अर्पण करत असल्याचे शिवसेना जिल्हाप्रमुख तथा माजी आमदार मनोहरशेठ भोईर यांनी अंत्यसंस्कारच्या वेळी भवरा येथे व्यक्त केली.

या अंत्यसंस्कारच्या वेळी उपजिल्हाप्रमुख नरेश राहाळकर, गटनेते गणेश शिंदे, तालुका संघटक बी एन डाकी, द्रोणागिरी स्पोर्ट्स असोसिएशनचे अध्यक्ष महादेव घरत, खजिनदार शिवेंद्र म्हात्रे, शहरप्रमुख विनोद म्हात्रे,माजी शहरप्रमुख सुजन शिरधनकर, शहर संपर्क प्रमुख गणेश म्हात्रे, विभाग प्रमुख एस के पुरो, गणेश शेलार, उपविभागप्रमुख विकी म्हात्रे,शाखाप्रमुख राकेश म्हात्रे, अजय म्हात्रे, रूपेंद्र गुडेकर व महिला आघाडी उपशहर प्रमुख रझिया शेख उपस्थित होते.