शांताबाई रामचंद्र टेंभे यांचे वृद्धापकाळाने निधन

नगरसेविका सिताताई पाटील यांना मातृशोक

सिटी बेल लाइव्ह । पनवेल । प्रतिनिधी ।

पनवेल महानगरपालिकेच्या ज्येष्ठ नगरसेविका सिताताई सदानंद पाटील यांच्या मातोश्री शांताबाई रामचंद्र टेंभे यांचे रविवारी वृद्धापकाळाने निधन झाले. मृत्युसमयी त्या 87 वर्षांच्या होत्या. त्यांच्या पाठीमागे दोन मुली, एक मुलगा, सून, जावई सदानंद पाटील यांच्यासह नातवंडे,परतवंडे असा मोठा परिवार आहे.

खांदा गाव येथील मूळ रहिवासी असलेल्या शांताबाई यांचे पती रामचंद्र टेंभे यांना लवकरच देवाज्ञा झाली. त्यानंतर त्यांनी आपला मुलगा आणि मुलींचा सांभाळ केला. त्यांचे योग्य पद्धतीने पालन-पोषण केले. आपल्या मुलगा मुलींची आई बरोबरच वडिलांची ही जबाबदारी त्यांनी पार पाडली.

शांताबाई टेंभे या संवेदनशील, प्रेमळ होत्या, त्यांचा सडेतोड स्वभाव होता. आपली मुलगी सिताताई पाटील या नगरसेवक म्हणून करीत असल्या कामाबद्दल त्यांना अभिमान वाटत होता. वयाच्या87 व्या वर्षी त्यांनी या जगाचा निरोप घेतला.शांताबाई टेंभे यांच्या निधनाबद्दल राजकीय-सामाजिक क्षेत्रातील व्यक्तींबरोबरच खांदा गाव ग्रामस्थांनी शोक व्यक्त केला आहे. त्यांचा दशक्रिया विधी 12 जानेवारी रोजी श्री क्षेत्र नाशिक या ठिकाणी होणार आहे. तर उत्तर कार्य 15 जानेवारी रोजी खांदा वसाहतीतील राहत्या घरी होणार आहे.