रोहे तालुक्यात कोरोनाचा कहर सुरूच : आज सापडले १७ नवे रुग्ण

कोरोना रूग्णांचे त्रिशतक पूर्ण

सिटी बेल लाइव्ह / कोलाड रोहे (कल्पेश पवार )

 रोहा तालुक्यात कोरोनाचा कहर सुरूच असल्याने वाढती संख्या चिंतेचा विषय बनला आहे. नागरिकांच्या मनात भीती वाढली असून अनेक लोक चिंताग्रस्त आहेत. आज कोरोना रुग्णांचे त्रिशतक पुर्ण होऊन एकूण रूग्णसंख्या ३०९ झाली आहे.तर आज नव्याने १७  रुग्णांची नोंद झाल्याने असून ही बाब चिंता वाढवणारी ठरली आहे. 

                रोहे तालुक्यात कोरोना बाधितांचा आकडा दिवसेंदिवस वाढत राहिला असून ,ही तालुक्यातील व जिल्ह्यातील वाढती रुग्णसंख्या लक्षात घेऊन, पुन्हा दि.१५ रोजी रात्री बारावाजल्या पासून ते २६ जुलै रात्री पर्यंत कडकडीत लॉकडाऊन होणार आहे.

                तालुका प्रशासन यंत्रणेकडून प्राप्त माहितीनुसार आज  रोहा तालुक्यात कोरोना बाधित रुग्णांची संख्या ३०९ वर पोहोचली आहे. यापैकी २१८ रुग्ण उपचारानंतर बरे झाले असून, त्यांना रुग्णालयातून घरी सोडण्यात आले आहे. सद्यस्थितीत ८६ रुग्णांवर पुढील औषधोपचार सुरु आहेत.तर कोरोना मुळे मयत झालेल्या रूग्णांची संख्या ५ आहे.

         अजूनही वेळ गेली नसून कोरोना या महाभयानक आजाराबाबत प्रत्येकाने जास्तीत जास्त काळजी घेणे गरजेचे असून आपले व आपल्या परिवाराचे संरक्षण कसे होईल यासाठी सजग राहिले पाहिजे अशाप्रकारचा उपदेश प्रशासनाकडून वेळोवेळी केला जात असल्याने प्रशासनाचा आदेश व सुचनांचे पालन करून व दिलेले नियम पाळून कोरोनाचा आजार आपल्याजवळ येणार नाही यासाठी प्रत्येकाने खबरदारी घेणे गरजेचे आहे.