पोलीस जाणीव सेवा संघातर्फे पेणच्या कोविड युद्धांचा सत्कार

सिटी बेल लाइव्ह / पेण ( राजेश कांबळे ) 🔷🔶🔷🔶

पोलीस जाणीव सेवा संघातर्फे कोरोनाच्या महामारीत स्वतःच्या जीवाची पर्वा न करता इतर गरजवंतांना मदत करणाऱ्या राज्यातील कोरोना युद्धांचा सत्कार करण्यात आला असून यामध्ये पेण मधील काही पत्रकारांसह सामाजिक कार्यकर्ते यांचाही कोविड योध्दा म्हणून गौरव करण्यात आला.

यावेळी संस्थेचे महाराष्ट्र संपर्क प्रमुख संजय राजेश शेकोकार व प्रसिद्धी प्रमुख शहाजी जगन्नाथ माने, विभाग प्रमुख भालचंद्र अबू म्हात्रे आदि उपस्थित होते.सदर कार्यक्रमात दैनिक सामनाचे पत्रकार राजेश प्रधान, दैनिक सागरचे पत्रकार प्रशांत पोतदार, ज्येष्ठ पत्रकार जयपाल पाटील, विक्रम चालक-मालक संघटनेचे जिल्हाध्यक्ष विजय पाटील, गणपती कारखानदार प्रकाश बावकर, संजय ठाकूर, पोल्ट्री उद्योजक भूषण म्हात्रे, पोलीस पाटील वृषाली ठाकूर यांना शाल-श्रीफळ व कोरोना युद्धाचे सन्मानपत्र देऊन गौरवण्यात आले.