नागोठण्यातील वीजपुरवठा उद्या राहणार बंद !

सिटी बेल लाइव्ह / नागोठणे (महेश पवार) 🔶🔷🔶🔷

नागोठणे शहर व परिसरातील वीजपुरवठा सध्या वारंवार खंडित होण्याचे प्रमाण वाढले आहे. त्यामुळे नागोठणे शहर व परिसरातील हा वीजपुरवठा सुरळीत रहावा यासाठी विजवितरण कंपनीच्या नागोठणे कार्यालयाकडून नागोठण्यात व परिसरात सर्वत्र मोठ्या प्रमाणात वीजदुरुस्तीची कामे करण्यात येत आहेत. याचाच एक भाग म्हणून उद्या मंगळवार दिनांक ८ सप्टेंबर रोजी नागोठणे शहरातील व परिसरातील विद्युत खांब उभारण्याचे काम करण्यात येणार असल्यामुळे नागोठणे शहरातील विद्युत पुरवठा सकाळी १० ते सायंकाळी ४ या वेळेत बंद करण्यात येणार असल्याचे विजवितरण कडून स्पष्ट करण्यात आले आहे.

त्यामुळे यासाठी नागरिकांनी सहकार्य करावे असे आवाहन विज वितरण कंपनीचे नागोठण्यातील कनिष्ठ अभियंता वैभव गायकवाड यांनी केले आहे.